Bertsozale.eus | Bertsoa.eus | BDB | Bertsoikasgela Bertsozale Elkartea
Bertsoeskolak Bertsoeskolak

Gaitegia

Lanak filtratu:

Denak (841) Bakarkakoa (150) Ofizioa (427) Taldean (19) Puntu erantzuna (151) Azken aurreko puntua (12) Azken puntua (43) Puntuka (17) Atzekoei kantari (12) Hitza emanda (10)

Ile orrazkera berriaz lotsa

Ile-apaindegira joan eta sekulako aldaketa egin zenuen herenegun. Gaur, lotsatuta bezain kezkatuta irten zara etxetik.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Bikote ez, maitale

Zure gustuko pertsonarekin ligatu eta oheratu zinen duela gutxi. Geroztik, berak daukan bikote harremana moztuko duela esaten dizu elkarrekin egoten zaretenero baina ez da sekula hori egitera ausartzen.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Parrandatik bueltan gurasoak zain

Parranda egin berri duzu zure lagunekin. Etxerako bidean, balantzaka zoazela, badakizu gurasoak zu noiz iritsiko zain esna egongo direla.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Zinegotzi izateko proposamena jaso berri

Talde politiko batek hurrengo legegintzaldian zure herriko zinegotzi izateko proposamena egin berri dizu.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Aurrezkiak gurasoei

Zure gurasoak egoera ekonomiko kaskarrean daudela eta, galdetu dizute ea zure aurrezkiak denboraldi baterako eurei uzterik ba al daukazun.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Etxerako orduaz paso

Etxera joateko gurasoek jarritako ordua pasa arren, ez duzu etxera joateko asmorik.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Amonak gaur ez zaitu ezagutu

Zure amonari alzheimerra diagnostikatu zioten duela hilabete batzuk. Gaur, lehenengoz, ez zaitu ezagutu bisitan joan zatzaionean.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Autografoa sinatzen

Musikaria zara. Gaur sinatu duzu lehen autografoa.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Medikuak kirola egiteko aholkatu dizu

Kilo batzuk soberan dituzula-eta, medikuak kirola egiten hasteko aholkatu dizu.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Ikastetxean yoga

Zure ikastetxeko zuzendaritzak yoga saioak egingo dituela iragarri du goizero-goizero, hamabost minutuz, ikasleen artean estres handia sumatzen duela eta.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Sare sozialei zer denbora eskaini

Kezkatuta zaude egunerokoan sare sozialen erabileran erabili ohi duzun denbora kopurua dela eta. Zerbait egitea erabaki duzu.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Nola esaten da Whatsappez?

Gustuko duzun pertsona bati sentitzen duzuna bertso batean azaltzea erabaki duzu. Whatsappa ireki eta bertsoa idazten hasi berri zara.
Gai jartzailea: Haritz Mujika
Bertsolariak:
Saioa: Harituz Tolosaldeko Bertsozaleen Bilguneak bertso-eskolarako sortutako gaia.


Egoera animikoari ihes egin gabe

Bertsolariak ihes egin behar izaten dio bere egoera animikoari. Egun txar bat izan dezake eta plazara kantura azaldu. Baina triste badago bere alderik alaiena erakusten saiatuko da normalean, ezta? Zure egoera animikoari ihes egin gabe, zer moduz zaude Oihana?
Gai jartzailea: Maite Aizpurua
Bertsolariak: Oihana Arana
Saioa: 2021-06-18 Zarautz Berezia

Bertsoaldia ikus-entzun


Boligrafoak dar-dar eskuetan

Zure bizitzako paperik inportanteena sinatzear zaude. Boligrafoak dar-dar egiten dizu eskuetan.
Gai jartzailea: Ainhoa Urien
Bertsolariak: Miren Artetxe
Saioa: 2021-04-17 Aramaio Sariketa

Bertsoaldia ikus-entzun


Ez da uste zenuena

Urduri, irrikaz iritsi zara hainbeste espero zenuen leku eta momentura. Ez da uste zenuena.
Gai jartzailea: Ainhoa Urien
Bertsolariak: Maddi Aiestaran Iparragirre
Saioa: 2021-04-17 Aramaio Sariketa

Bertsoaldia ikus-entzun


Isiltasunaz

Uhin batzuk ez dira gure belarrietara heltzen. Isiltasuna deitzen diogu horri. Isiltasuna; zeinen gauza deserosoa egoera batzuetan; zeinen gozagarria, aldiz, besteetan.
Gai jartzailea: Imanol Artola "Felix"
Bertsolariak: Oihana Iguaran
Saioa: 2021-02-26 Amasa-Villabona Berezia

Bertsoaldia ikus-entzun


Norberaren eskaparatea eta dendaostea

Psikologo bati behin entzun nioan gizakiok dendak bezalakoxeak garela. Erakusleihoan, eskaparatean, besteek ondo ikusteko moduan jartzen omen ditugu gure alderdirik onenak; eta aldiz, almazenean, dendaostean, uzten ditugu gure dohain kolekzioko trapurik itxusienak, zatarrenak.
Gai jartzailea: Imanol Artola "Felix"
Bertsolariak: Aner "Euzkitze"
Saioa: 2021-02-12 Altzo Jaialdia

Bertsoaldia ikus-entzun


Arkitektura ikaslea kaleko oztopoei begira

Arkitektura ikasketak egiten ari den ikaslea zara, Ane. Autobus geltokian zaude, unibertsitate aurrera eramango zaituen autobusaren zain. Eta bat-batean gurpildun aulki bat ikusi duzu espaloian aurrera jarraitu ezinik. Eta ume bizkien silla bultzatzen zihoan aitonak errepidera atera behar izan du espaloian zegoen zuhaitz batek bidea ixten ziolako. Badator autobusa, eta eskailerei begira zure pentsamenduak ere gora datoz.
Gai jartzailea: Amaia Agirre
Bertsolariak: Ane Labaka Mayoz
Saioa: 2021-01-16 Tolosa Jaialdia

Bertsoaldia ikus-entzun


Muturrekoa

Bakezalea zara. Gaur, ordea, muturreko bat eman diozu norbaiti.
Gai jartzailea: Maite Aizpurua
Bertsolariak: Ane Zuazubiskar Iñarra
Saioa: 2020-09-04 Zarautz Sariketa

Bertsoaldia ikus-entzun


Bakardadeaz

Bakardadea batzuetan norberak aukeratzen du baina besteetan ez. Batzuetan jendez inguratuta egonda ere bakarrik sentitzen da bat. Besteetan bakarrik egon arren, babestuak sentitzen gara.
Gai jartzailea: Josu Iztueta
Bertsolariak: Beñat Gaztelumendi
Saioa: 2020-05-13 Online Berezia

Bertsoaldia ikus-entzun