20. klasea

URRATSA 1 / IKASTURTEA 1

Puntuari bat-batean erantzuten trebatuko gara eta kirola izango dugu kantagai. Asmakizunetan ere jolastuko dugu!

Kirolaz, puntuari erantzuten

Hasteko, bideoz ikusiko dugu ereduzko bertsoaldia: "Pertsonaia asmatzen-Jokin Altuna". Irati Majuelok pertsonaia ezkutua zein den asmatu beharko du; horretarako, Ander Perezi galderak egingo dizkio "Ikusi nuanean" doinuan puntua jarriz eta honek pistak emango dizkio, puntuari erantzunez.

Gero, gu ere doinu berean ariko gara puntuari erantzuten, kirolari buruz. Jolas ezberdinak egingo ditugu horretarako:

"Kirolak" karta jokoaz, puntuari erantzungo diogu bat-batean. Horretarako, kartaren atzeko aldean oina emango zaigu, erantzunean baliatu nahi badugu.
"Pasa hitza - kirolak" fitxaz, A-tik Z-ra, kirol ezkutua zein den edo kirolari lotutako zein hitz den igarri beharko dugu. Horretarako, puntu batean kirol bati buruzko pista emango zaigu eta guk zer den esanaz erantzun beharko dugu. Adi: erantzun zuzenak errimatu egiten du-eta!

Baliabideak

Pertsonaia asmatzen - Jokin Altuna

Puntuka galdera-erantzunak eginez, pertsonaia ezkutua nor den igarri beharko du Irati Majuelok. Jokin Altuna pilotaria da... Ea pista onak emanez laguntzen dion Ander Perezek. Jolastuko al dugu guk ere?

Bat-batekoa

Irati Majuelo, Ander Perez

Ikusi nuanean I

Kirolaz puntuari erantzuten

Karta jokoa. Kirolari buruz ariko gara, kopla txikian, puntuari erantzuten. Batak puntua abestuko du eta besteak erantzun, bat-batean. Horretarako, karta bien tartean jarriko dugu. Atzeko aldean oina ematen zaigu: puntua erantzuteko horixe erabili genezake!

Ariketa

Ikusi nuanean I

Pasa Hitza - KIROLAK

A-tik Z-ra, hitz ezkutua zein den igarri beharko dugu; hitz ezkutua KIROL bat da, edota kirolari lotutako hitz bat. Kopla doinuan puntua jarriko zaigu, hitzari buruzko pista emanez. Puntua erantzun beharko dugu, hitz ezkutua asmatuz; erantzun zuzenak errimatu egiten du! Karta jokoan A-tik Z-ra 7 multzo daude (kolorez bereizita).

Jolasa