26. klasea

URRATSA 1 / IKASTURTEA 1

Kopletan ofizioka ariko gara, A eta B pertsonaia antagonikoekin. Orain arte ikasitako doinu guztiak errepasatuko ditugu.

Kopletan ofizioka: A eta B

Hasteko, bideoz ikusiko dugu ereduzko bertsoaldia: "Ipuin kontalaria eta haur berritzua" bideoan, ofizioka entzungo ditugu Alaia Martin eta Jexux Mari Irazu.

Gero, bertsolariak bezalaxe, gu ere koplatan ofizioka ariko gara: "Ofizioka A eta B" fitxan, gaia emango zaigu eta gure pertsonaiaren ahotik abestu dezagun, oin bikoteak emango zaizkigu. Hauek dira fitxan aurkituko ditugun gaiak:

Klasea berriketan pasa duen ikaslea eta errietan ari zaion irakaslea.
Gurasoa eta kaletik berandu etxeratu den seme-alaba.
Ospitalean dagoen gaixoa eta okerreko zangoa moztu dion medikua.

Gaia entzunda, lehenik, hauta dezagun zer doinutan ariko garen: errepasatu dezagun zein kopla doinu ikasi ditugun! Gai honetarako gustukoena dugun doinua hautatuko dugu.

Saioa amaitzeko jolasean ariko gara, "Bertso dominoa"z. Pieza bakoitzaren alde banatan, hitz bat dator; errimatzen duen pieza jarri behar diogu segidan. Pieza jartzeko, bi oinak baliatuz kopla bota beharko dugu.

Baliabideak

Ipuin kontalaria eta haur berritzua

Ipuin kontalaria da Alaia eta publikoan eserita dagoen haurra da Jexux Mari. Hasi da Alaia ipuina kontatzen eta, minutuero, komentarioak eta galderak egiten dizkio Jexux Marik: "Eta hori zergatik?", "Baina katagorriek ez dute hitz egiten...".

Bat-batekoa

Jexux Mari Irazu Muñoa, Alaia Martin

Goizian goiz jeikirik I-A

Ofizioka: A eta B

Ofizioka aritzeko gaia emango zaigu, bakoitzari pertsonaia edo rol bat zehaztuz (A eta B). Pertsonaia bakoitzak 2 oinen zerrenda izango dugu eskura, kopletan sortu dezagun elkarrizketa.

Ariketa

Bertso domino

Pieza bakoitzaren alde banatan, hitz bat dator; errimatzen duen pieza jarri behar diogu segidan. Jolasa baliatu genezake errimatzen duten hitzak identifikatzeko. Baita zirtoa edo kopla lantzeko ere: pieza jartzerakoan, bi oin horiekin zirtoa sortuz edo kopla botaz.

Jolasa