Gizona da zoroa
ta bihotz gabea
barnean baldin badu
plazerren gosea
arimadun batentzat
zer egitatea
hegaztin inozenter
bizia kentzea.
Bertsoaren berri
“Ene errekontrua” bertso sorta uso ehiztariei jarritakoa da. Bertan Xalbadorrek azaltzen du nola usotan zebilela, eskopeta bizkarrean, ustekabean tiroak ihes egin eta zango muturrean jo zuen. Bi hatz moztu zizkioten. Hor konturatzen da Xalbador zer egiten dieten ehiztariek usoei. Argia da bere mezua: “bizi nahi badugu trankil eta uros / harma xaharra sal ta berririk ez eros”.