Lagundurikan danoi
gugatik hil zanak
seme, hazi zaitugu
aitak eta amak
beti zure gidari
izandu geranak
orain gurutze honen
oinetan esanak
ondo gogoan hartu
behaituzun danak.
Bertsoaren berri
Egilea: Pello Mari Otaño (1857 Zizurkil, Gipuzkoa – 1910 Rosario, Argentina).
“Aita-semeak” sortakoa da bertsoa. Ameriketara abiatzear den semeari, agurrean, aitak esaten dizkion azken hitzak azaltzen ditu sortak. Otaño 18 urterekin joan zen, lehen aldiz, Argentinara; 1875ean, seguru asko Karlisten gerratetik ihesi. Bizitzan hirutan joan zen Ameriketara eta Argentinan hil zen.