Ai gure antzinako
guraso nobliak
zituzten legiak
guk hainbat trabaju ta
fetxarik gabiak
adelantua dala
uste du jendiak
jarri dituztelako
trena ta tranbiak
ondoren datozenak
ez dira hobiak (bis).
Doinuaren berri
Doinua bi modutan baliatu daiteke: hamarreko txiki gisa (lehen puntua errepikatuz) hala, lehen puntuari segidan puntu motza erantsiz, 6 puntuko gisa.
Doinu hau “Esne saltzailea” izenez ere ezaguna da Hegoaldean; Iparraldean ere asko erabili da, “Saratarra naizela” izeneko bertsoak kantatzeko.
Bertsoaren berri
Bertso honen egilea: Juan Kruz Zapirain (1867-1934 Errenteria, Gipuzkoa).
“Ai gure antxiñeko” bertso sorta honetan, Zapirainek bizi duen garai “modernoaren” alde txarrak azaltzen ditu.