Baserrian jaio nintzan
bizitzaren hegoetan,
zenbat goza izan dudan
hango zelai berdeetan,
lagun haundi bat banuen
oinarri hastapenetan,
sarri hartu ninduena
kantari bi belaunetan,
joan da gero badakit
zer zinan une honetan,
min artetik kantatzen dut
maite zintudan benetan,
horrelako gutxi dira
aitortzen zaitut horretan,
alkarrekin gabiltz beti
nere oroitzapenetan.
Bertsoaren berri
Iñaki Muruak Legazpin (Gipuzkoan) abestu zuen, 1991ko jaialdian. Hauxe zuen gaia, hiru bertsotarako: “Asko estimatu duzun pertsona betirako joan zaizu”.
Doinuaren berri
Doinuaren sortzailea: Xabier Lete. “Habanera” kantua 1990eko Durangoko Liburu Azokan plazaratu zuen.