Horra sei bertso kale
garbitzaileari
zeina bere izenez
dan Joxe Mari
erreza lezazkike
hiru Ave Mari
indarra etortzeko
zaldi zuriari
animali hori
urriki zait neri
falta du ugari
egoteko lori
kartoiakin egina
dala dirudi (bis).
Bertsoaren berri
“Zaldi baten bizitza” sortako lehen bertsoa da hau. Bilintxek sortan azaltzen duenez, Donostiako Joxe Mari kale garbitzaileak zaldi zuri bat erabiltzen zuen gurdi garraio; Joxe Marik ez zion jateko askorik emango eta zaldia argala zegoen oso, dena hezur eta azal. Sorta hau Xabier Leteren ahotsean egin zen ezagun, “200 urtez bertsotan” CD bildumari esker (Elkarlanean, 2001).