Lanak filtratu:
Denak (201) Bakarkakoa (35) Ofizioa (129) Taldean (18) Puntu erantzuna (3) Azken aurreko puntua (0) Azken puntua (0) Puntuka (0) Atzekoei kantari (16) Hitza emanda (0)
Sortzaileak zarete zuek eta gure planeta hankaz gora dago. Planeta txuri bat oinarri hartuta planeta berri bat sortu dezazuen eskatuko dizuet. [Gai-emaileak eskura eman die lanpara baten antzeko bola bat]
Gai jartzailea: Irati Anda
Bertsolariak:
Uxue Alberdi,
Oihane Perea,
Xabi Igoa,
Aitor Bizkarra
Saioa: 2023-08-08 Gasteiz Jaialdia
Maider, Bidasoaz beste aldean dagoen herrian, 18 urte arteko ikasketa guztiak euskaraz egin arren, gazteek ezin dituzte brebeta eta baxoa azterketa ofizialak euskaraz egin, frantsesez egin behar dituzte derrigor. Maider gaur egin duzu azterketa, eta dena euskaraz idatzi duzu. Badakizu zero jarriko dizutela. Ateratzean zain dituzu Uxue, frantsesez azterketa egin duen laguna; Miren, zure zientziako irakaslea eta Amaia, zure ama.
Gai jartzailea: Ainhoa Aranburu
Bertsolariak:
Miren Amuriza,
Uxue Alberdi,
Amaia Agirre,
Maider Arregi Markuleta
Saioa: 2022-06-18 Hondarribia Berezia
Gaur belaunaldikotasuna agerian da hemen. Zuek hiruok urte desberdinetan jaiotakoak zarete, belaunaldi desberdinketakoak. Zuen belaunaldian kokatuta, zer eskertzen diezue aurrekoei? Zer eskatu hurrengoari? Eta zuek belaunaldi moduan zer duzue eskaintzeko?
Gai jartzailea: Maite Berriozabal
Bertsolariak:
Onintza Enbeita,
Aissa Intxausti,
Enare Muniategi
Saioa: 2022-05-22 Markina-Xemein Jaialdia
Jakinekoa da bertsolariok errieta askoren biktima izaten zaretela. Konta itzazu azkenaldian jaso dituzuen errieta batzuk. Eta egin baduzue, kontatzeko ere aukera duzue.
Gai jartzailea: Nekane Gonzalez
Bertsolariak:
Maialen Lujanbio,
Amets Arzallus,
Joanes Illarregi,
Oihana Arana
Saioa: 2021-11-19 Legazpi Jaialdia
A guztiz maiteminduta zaude B-rekin; ez dakizu berak berdina sentitzen duen, baina kafe baterako geratu zarete 16:00etan malekoian. 15:50ak dira. C da A-ren bikotekidea. A, B-k maite bazaitu C utziko duzu; eta B-k maite ez bazaitu, C-rekin geratuko zara. 15:50ak dira eta Oihana malekoian dago jadanik.
Gai jartzailea: Maite Berriozabal
Bertsolariak:
Amaia Iturriotz Etxaniz,
Oihana Bartra,
Xabat Galletebeitia
Saioa: 2021-05-25 Zarautz Berezia
Joaquin Salvador Quino hil berria da. Mafalda pertsonaiaren sortzailea. Eta hari horri tiraka jakin nahiko nuke zuek umetan zein ipuinetako pertsonaia, zer komikitako pertsonaia edo zein marrazki bizidunetako pertsonaia zenuten gogoko. Umetan zein zen zuen idolo txiki hori edo miresten zenuten pertsonaia hori.
Gai jartzailea: Amaia Agirre
Bertsolariak:
Oihana Iguaran,
Maialen Lujanbio,
Amets Arzallus,
Anjel Mari Peñagarikano,
Haritz Mujika
Saioa: 2020-10-02 Zizurkil Jaialdia
Gaur eguneko presakako bizimodu honetan, alde batetik bestera korrika gabiltzan honetan askotan nekatuta egon ohi gara. Zuek, kontaiguzue, oharkabean zein lekutan edo non hartu duzuen lo noizbait?
Gai jartzailea: Uxune Areizaga
Bertsolariak:
Ane Labaka Mayoz,
Odei Barroso,
Nerea Ibarzabal,
Alaia Martin,
Beñat Gaztelumendi,
Libe Goenaga
Saioa: 2020-01-19 Getaria (G) Jaialdia
“Nahikoa da ama” esaldia behin baino gehiagotan esango zenuten. Zein kontestutan esan duzue?
Gai jartzailea: Ainhoa Aranburu
Bertsolariak:
Saioa: 2019-11-21 Iruñea Jaialdia
Alde Zaharrak badu kale bakoitzean ia mundu bat. Eta mundu bakoitzak aberastasuna modu ezberdin batean ulertzen du. Nola ikusten duzue zuek?
Gai jartzailea: Unai Elizasu
Bertsolariak:
Saioa: 2019-08-12 Donostia Jaialdia
Pasa berri da maiatzaren bata. Bertsolariok ere beharko duzue bada sindikatu bat? Hirurok elkartu zarete sindikatu bat egiteko. Manifa ere egin duzue eta orain hasi zarete hizketan.
Gai jartzailea: Imanol Artola "Felix"
Bertsolariak:
Saioa: 2018-05-09 Legorreta Jaialdia
Zazpi urteko umearen logelan zaudeten objektuak zarete. Lurrean zaudete denak umearen haserrealdi baten ondoren, honek botata.
Gai jartzailea: Amaia Agirre
Bertsolariak:
Jon Maia,
Alaia Martin,
Beñat Iguaran,
Beñat Gaztelumendi,
Andoni Egaña
Saioa: 2018-01-20 Tolosa Jaialdia
Aurrez beste bertsolari askok egin duten moduan, Peñagarakank bere memoriak idatzi nahi ditu. Buru-belarri horretan dabil. Baina ez da erreza, aldamenetik kendu ezinik dabilelako lotsa, Maialen, eta ausardia, Iturriaga.
Gai jartzailea: Manuel Olano
Bertsolariak:
Maialen Lujanbio,
Unai Iturriaga,
Anjel Mari Peñagarikano
Saioa: 2015-08-02 Altzo Jaialdia
Galde-erantzunak egingo ditugu, eta Julio izango da aldiro erantzungo duena. Txosnan zaude Julio, zerbeza bat edaten, bakarrik. Maialen eta Agin bakoitza alde banatik etorri zaizkizu. Nonbait zu bakarrik ikusi, eta morboa piztu zaie.
Gai jartzailea: Amaia Agirre
Bertsolariak:
Julio Soto,
Agin Laburu,
Maialen Lujanbio
Saioa: 2015-07-25 Villabona Jaialdia
Sebastian eta Amets ertzainak zarete, eta Andoni eta Maddalen guardia zibilak. Kontua da leku berera momentu berean iritsi zaretela. Eta denok kontrola ipintzera.
Bertsolariak:
Sebastian Lizaso,
Maddalen Arzallus,
Amets Arzallus,
Andoni Egaña
Saioa: 2015-01-05 Oñati Jaialdia
Aitor aitona, Sustrai aita eta Amaia alaba zarete. Aitona Gerra Zibilean gorriak ikusitakoa, Sustrai bere garaian kartzelan egona, eta Amaia Donostiako Boulebarrean egon da duela astebete, kanpatuta, herri harresian. Telebistari begira zaudete, elkarri zehar-begiratuak eginez. Elkarrekin asko eztabaidatzen duzue, eta entzungo genuke elkarrizketa horietako bat.
Bertsolariak:
Aitor Mendiluze,
Sustrai Colina,
Amaia Agirre
Saioa: 2013-05-05 Orexa Jaialdia
Zuek laurak Lezoko gazte kuadrilla bat zarete, eta ikusita Lezon gazteentzat dagoen ekipamendu falta, erabaki duzue marmoldegi zaharra okupatzea. Kontua da joan zaretela marmoldegia okupatzera, eta ertzainak etorriko diren beldurrez gaueko txandak antolatzea erabaki duzuela. Lau lagun zarete, baina laurok nortasun desberdina daukazue. Zu, Peña, mundujalea zara, beti nahi duzuna lortzen duzu: Allerrun apuntatzen zarela, eta taldeko pitxitxia zara; Morixkan apuntatzen zarela, hanka gehien altxatzen duzu, eta Mainontzin apuntatuta Maialeni txapela kentzeko modukoa zara. Zu, Mendiluze, sakona, traszendentala, mistikoa, filosofoa, misteriotsua eta iluna. Zu, Maia, zure historial klinikoan jartzen duen moduan, histeriko paranoikoa zara, haluzinazioak eta agresibitateak uztartzen dituzu. Eta zu, Sarriegi, despistatua, distraitua, autonomoa eta satelitea zara. Laurak elkartu zarete marmoldegian, eta dagoeneko ilundu du.
Bertsolariak:
Aitor Sarriegi,
Aitor Mendiluze,
Jon Maia,
Anjel Mari Peñagarikano
Saioa: 2012-02-25 Lezo Jaialdia
Egun batek une asko izaten ditu, eta egunean zehar denok izaten ditugu une kutunak, beste ezerengatik aldatuko ez genituzkeenak. Zuek egunean zeharreko zein unerekin geratzen zarete? Zuentzat zein da eguneko unerik kutunena?
Bertsolariak:
Julio Soto,
Sebastian Lizaso,
Aitor Mendiluze,
Amets Arzallus,
Andoni Egaña
Saioa: 2010-08-24 Amezketa Jaialdia
Saharara janaria, arropa, eskolarako materiala eta osasun laguntza bidaltzen da Euskal Herritik ere. Saharako haurrak etxean hartzeko aukera dugu urtero. Zuek inoiz bidali al duzue ezer? Umerik hartu al duzue etxean? Zuen elkartasuna noraino iritsi da? Barru-barrutik kantatzeko eskatuko dizuet.
Bertsolariak:
Aitor Mendiluze,
Jon Maia,
Unai Iturriaga,
Andoni Egaña
Saioa: 2010-03-28 Tolosa Jaialdia