Hasten den orok beti zain dauka azkena horixe da bizitza hontako eskema eta ez da izango hau salbuespena hostorik gabe dago zuhaitzik gazteena nahiz jakin hemen ezer betiko ez dena nahi baino lehen iritsi zaigu udazkena.
2.
Garai bateko mobil zahar ta Tuentiko argazkiei begira nago nostalgiko ez aspaldi, duela bi urte ta piko nirekin zeundenean zuztartsu ta tinko baina bizitzan ezer ez denez betiko joan zara ta ez zara berriz itzuliko.
3.
Txanpu onez igurzten zintudan baineran ez plantxa, ez gomina ez tinterik eman maitasunez orraztu ebaki ilbeheran baina halare ihes egin dezu hegan ta galdera ikur bat sortu da neregan ezin baitet ulertu zergatik joan zeran.
4.
Nirekin zeundenean ze atarramendu ez laudorio goxo eta ez lausengu presentzirik ez nizun bertsotan omendu ta orain alperrik dira "banintz" ta "bagendu" nire burutik egin zarenez aldendu nahitare ezin zaitut burutikan kendu.
5.
Katarro ta mukirik ez bada nahi gugan txapela jantzi behar neguko freskuran mendian ta hondartzan ibiltzen naiz udan protekzioa hemen eta Aftersun han lehen zertarako ote zinen nengon dudan ta orain faltan zenbat botatzen zaitudan.
6.
Inguruan batere ispilurik ez ta tarteka uxatzen zait zuganako kezka baina ustezko lagunak mutil eta neska begirada burlatiz ta irribarrezka sarri etortzen zaizkit zugatik galdezka gehio amorratzen nauen ezer ere ezta.
7.
Burusoila dut aita hala zen aitona zer ote genetika zer ote hormona nahiz eta irribarrez maiz zatozten hona ez da ikusten norberan kaxkoan dagona ta ez ahaztu esaera zaharrak diona: barre azkenak egiten duela ondona.
