III. Señora Sariketako finalean, Oñatin abestutako sorta. Musika: Miren Fernandez.
1.
Agur batekin bukaeratik hasita sabela airez bihotza bertsoz hazita arratsalde on señora ta señorita ta sailkapenik nahi ez duzuenoi baita.
2.
Identitate estatus ta kategori gure herrian bada hamaika istori nahiz eta gutxi interesatu askori orain artean kontatu ez den bat tori.
3.
Paradisu hau bere eliza ta jauregi pasialeku kuartel eta lorategi lantegi handi edo haitzuloko begi ederra baina sinesteko ederregi.
4.
Hamabigarren mendean hasi zen dena gutxienean idatzita dagoena jauntxo bat bazen Ladron zen bere izena gure herria opari jaso zuena.
5.
Umorez baina jarri gaitezen serio historia ez ofizialak omen dio lapurreta ta ondorengotzak medio aspaldidanik dala Oñati Señorio.
6.
Dagoeneko bostehun urte izango da Arantzazuko frailekume ta serora igo zirela Ama Birjinakin gora aska dezagun preso daukaten Señora.
7.
Señorok kristau horiek baino lehenago potolo hontan bizi zen jendea klaro orduko andra bat oraindik bizirik dago Ama Birjina baino pixka bat gorago.
8.
Aloñapeko freskuran dauka kobia beraneatzeko Anboto baino hobia Gaiztozulotik entzuten dago gordia pameliakin Anbotoko Señoria.
9.
Errepideak egin gintuen giputxi ta nahiz ta konde kondesa horiek utzi beste askotan bezelaxe Mari Lutxi Oñatin ere jaun asko eta jan gutxi.
10.
Gipuzkoako Diputazioan hala zabaldu zuten gure herri hau ei zala probintziarentzat noblia eta leiala ba gaur berriro egin dugu Señoriala.
11.
Gutxi batzuei buruz ez dakigu ezer eta kontatu diguten gutxiri esker zuzenkeria guzti hontan batzuk oker zebiltzalako dira gure influencer.
12.
Arrikrutzeko Doña Leonatik hasi Bollo Saurio handien bidea ikasi ta pausoz pauso erdi laino erdi sasi gaur egunean lurreratu gara kasi.
13.
Felipa Urkia bere bertso bete poltsa Mikaela ta Primi Edostarben ahotsa bai, zuengatik erantzi dugu gaur lotsa biluzik gaude baina ez daukagu hotza ta bertsoz jantzi Gaztelekuko oholtza.
