Bertsozale.eus | Bertsoa.eus | BDB | Bertsoikasgela Bertsozale Elkartea
Bilaketa lupa Bertsoeskolak Bertsoeskolak
  1. Sarrera
  2. Baliabideak
  3. Ez dugu parekorik

Ez dugu parekorik

PDF Deskargatu
Ez dugu parekorik
Konparaketak lantzeko kopla sorta.
1.
Axuri beltza ona da eta
xuria ez da hobea
ikastola da batzutan urdin
bestetan gorri ordea.
2.
Kalakari naiz eta bihurri
baina ez alfer ez nagi
aldiz batzutan izan nahi nuke
nire ahizpa bezain argi.
3.
Lagunak ditut Katixa, Kerman
Jokin, Jone ta Joana
baina ez dizut esango nor den
nik gehien maite dudana.
4.
Ai frantseseko kurtso luzeetan
diktaketen egurrean
hainbeste min ez nuen sekula
izan eskumuturrean.
5.
Astelehenetik ostiralera
erritmoa nola segi
aire hartzeetan denbora gutxi
eta kurtsotan gehiegi.
6.
Larunbatetan mugi naiteke
lasaiki eta libreki
ta igandetan etxeko lanik
ezbaldin badut hobeki.
7.
Gure giroa da beroena
goxo eta alaiena
ikastolako talde guztitan
gure gela da onena.