Legea dute botere

Legea dute botere
botere totala xede
xede horixe da fede
ta fede bakarra lege
agindutako lurra azkar da
agintari hoien mende
natura zaintzen baitugu orain
suntsituaz alafede!
Txiroaren min ta desgrazia
betikoentzat mesede
kaos aurrean itsu, gor, mutu…
gabiltza merituz trebe.

Etengabe salto zirkuz
pantailez pantail mugituz
ustez beharrak hornituz
behatz batekin ukituz
garun, esku ta begiak lauso
ditugu makinak piztuz
progresuaren paradisuan
zuhaitzak ezin kabituz
mendeetako lotura estuk
zitu bizian suntsituz
gainbehera ero honetan pozik
trebe gabiltza merituz.

Maite al dugu bizitza?
Gure esku dago giltza
oreka dugu baldintza
ta guk balantza bortitza
batzuek harro beraientzako
hartuaz lurra ta hitza
Jaungoiko horiei ze dantza santu
ni deabrua banintza!
Askok amesten dugun horixe
borroka ta ozen mintza
more eta berdez jantzita aldiz
merituz trebe gabiltza.