2.Urratsa / 1.Ikasturtea
1937ko apirilaren 26an Gernika (Bizkaia) bonbardatu zuten faxistek. Franco generalari agintea hartzen laguntzen ari ziren Alemaniako eta Italiako hegazkin naziek jaurti zituzten bonbak. Propio, merkatu eguna hautatu zuten, herritarrak erasotzeko. Hildakoak 2.000tik gora izan ziren eta etxeen %1 soilik gelditu zen zutik. Zutik iraun zuen gauza bakanetako bat, Gernikako arbola izan zen: Batzar Etxearen aurreko haritza zaharra, Euskal Herriko foruen edo legeen ikurra. Bonbardaketa salatzeko Picasso margolariak “Gernika” koadroa sortu zuen. Basarriren bertso sorta hau Joseba Tapia trikitilariak jaso zuen “Agur intxorta maite: 1936-37 gudako kantuak” CDan (2001 Gaztelupeko Hotsak), Sebastian Lizasok abestuta.