Luzia Goñi Aizarotzen jaio zen (Basaburua bailaran, Nafarroan) baina, umea zela, bere jaioterria
husten ikusi zuen, aberatsek herriko lur denak erosita. 1970ean eskaini zion sorta hau bere jaioterriari
eta “Principe de Viana” aldizkarian argitaratu zen.
1.
Basaburuan dago herri bat ballean den txikiena han jaio nintzen eta nahi nuke gora jaso bere izena.
2.
Arrarasko eliza sanduan hartu nuen bataioa zazpi urtekin atera ginen handik famili osoa.
3.
Hirur abratsek erosi zuten hain maite dudan herria diru baitira, agur arbolak! Ta agur pobre den guzia.
4.
Olitxeako Silbestra izan zen lehenbiziko joan zena gero Kristobal eta Martinak errota uzteko pena.
5.
Gure aitari saldu zioten Gartzaronen terrenua ahal zun bezala, etxea egin eta jaso zun burua.
6.
Badela berrogei urtez gehigo egin zuten etxe dena gerra-denboran jarri zioten «Judas-Benta» dun izena.
7.
Agur deneri, eskerrik asko ni banijoa lanera zuen artean ni egonen naiz ez bada galtzen euskera.
