4.Urratsa / 1.Ikasturtea
Pierre Bordazarre “Etxahun Iruri” (1908 Iruri, Zuberoa – 1979 Paue, Frantzia), alor anitzetan izan zen sortzaile: bertsolaria, kantu eta pastoral egilea, idazlea, musikaria, txirularia. Ogibidez laboraria eta artzaina izan zen. Bertsotan Louis Ligetx koblakariarekin ikasi zuen eta harekin jarduten zuen deman; Xalbadorrekin eta Mattinekin ere egin zituen saioak.
Bederatzi pastoral idatzi zituen, tartean Iparragirreri eta Etxahun Barkoxe koblakariari eskainitakoak. Solfeorik gabe berak sortutako ehundik gora kantuetan, ezagunenak dira “Lo adi aingüria”, “Agur Xiberua”, “Goizian argi hastian” eta
“Oi ama Eskual Herria”.