Bertsozale.eus | Bertsoa.eus | BDB | Bertsoikasgela Bertsozale Elkartea
Bilaketa lupa Bertsoeskolak Bertsoeskolak

INEM-era deia

INEM-era deia
1.
4-1-6-2-6-3-9
kaixo, hori al da INEM?
Bai, lan eskaintza bat ikusi dut
ta apuntatu nahi nuen...
e? Hizkuntzak? Ba, ingles pittin bat,
castellano “bastante bien”
eta frantzesa... tutik ez baina
eRRe-a badet, bederen.
Aizu! Ta euskaraz ere badakit
(ez dakit inporta duen...).
2.
Titulorikan ba al daukadan?
Bai, apuntatu, gizona:
Don Juan Carlosen firma duen bat
“batxilerato” diona,
hiru kurtsilo: masaje, yoga
ta makrame, punto koma;
EGA, solfeo, txistu bi urte
ta CCCko diploma.
Bai, bai, bai, noski, edozein ez da
kristal garbitzaile ona.
3.
Ze?! eta horrek zer inprota du?!
Ea kristaua al naizen?
Ba, enfin! Bai, bai, izan behar bada
praktikantea hain zuzen.
Ez, ez dut egin soldaduskarik,
ez zait joatea tokatzen.
E, aizu, ez moztu, ez daukat lanik
insumiso deklaratzen.
Klaro, kristalak ta biolentoak
ez dira ondo moldatzen.
4.
Ez, ez dut ezin fisikorikan
sasoia det mundiala
eta gorputzez punttuan nago:
ez gizena, ez argala.
“Desbio” zeri deitzen diozu?
Ez naiz homosexuala
eta azala zuria det bai,
eskatzen dezun bezala.
Bueno, hola esan nahi badiozu...
Zentzu guzitan “normala”.
5.
Aizu, datuak hartu itzazu:
hernaniarra naiz aurrena.
Telefonoa: 3-3 2
016 gurasoena.
Karnetekoa: 4-4-4-1-5
3-6 horra hor dena!
Bai, abizenak: Lujanbio aurrena
ta Zugasti bigarrena.
Ez, ez, barkatu, ni neska bat naiz
Maialen daukat... (PI...PI...PI...).