Gurrutxaga Zubimendi, Iñaki

Biografia

Orion jaio eta bertako Ikastolako Bertso-eskolan hasi nintzen bertsotan. Gero Zarauzko Etxebeltzen eman nion jarraipena. Ordutik Gasteiz, Itziar, Antzuola eta Orio bertako Errikotxia bertso-eskoletatik pasa naiz, zeregin desberdinetan. Hamaika Bertute bertsolari-gazteen mugimenduan parte aktibo izan nintzen hainbat urtez. Gaur egun Gipuzkoako Bertsozale Elkartean nabil lanean, irakasle eta bailara-eragile gisa, Gu ere bertsotan proiektuaren barruan.