8ko txikian puntutan, progresioan: lehenik puntu erdika, ondoren oinak emanda
Hasteko, ereduzko bertsoaldia ikusiko dugu: "Euskal Herrian barna bidaia". Onintza Enbeitak eta Txaber Altubek oporretan Euskal Herrian barna eramango gaituzte. Gaurko kanturako gaia ekarriko digu bertsoaldiak: Euskal Herria ezagutzea.
Bertsolariek erabili duten doinu horretantxe ariko gara gu ere gero, 8ko txikian: "Orioko balearena" doinuaz. Puntutan egingo dugu, progresioan.
- Lehenik, puntu erdika ariko gara "Gure mendiak" eta "Gure ibaiak" fitxekin. Bigarren puntu lerroa emango zaigu (6ak) eta lehen puntu lerroa osatzea izango da gure lana (7ak). Ea hankaluzeak eta hankamotzak nola bideratzen ditugun.
- Ondoren, "Hiria" fitxaz, lehen puntua eta oinak emanda ariko gara puntutan.
