Hasteko, bideoz ikusiko dugu ereduzko bertsoaldia: "40 urteko aldeaz, galdera-erantzunetan". Xabat Illarregik eta Andoni Egañak elkarren bizitzaren berri jakin nahiko dute, galderak egin eta erantzunez, "Ikusi nuanean" doinuan.
Gero bertsolarien ariketa berbera egingo dugu guk ere, doinu berean. "Zutaz" fitxan, gure izaera, zaletasun eta dohainei buruzko galderak egingo zaizkigu, puntua jarriz. Gure erantzuna emateko bi oin aukeran emango zaizkigu.
Saioa amaitzeko asmakizunetan jolastuko dugu, "Pasa hitza" karta jokoaz. A-tik Z-ra, hitz ezkutua zein den igarri beharko dugu. Horretarako, puntu batean pista emango zaigu eta guk zer den esanaz erantzun beharko dugu. Adi: erantzun zuzenak errimatu egiten du-eta!
