Koplan puntuak ordenatzen eta puntu erdiak sortzen
Hasteko, ereduzko kopla sorta abestuko dugu: Maddalen Arzallusen "Iruditu zitzaidan". Sorta honekin kopla doinu bat ikasiko dugu: Solozabalen gaia.
Gero doinu horretan ariko gara kopletan, puntuak ordenatzen eta puntu erdiak sortzen, ariketa ezberdinen bidez:
- "Iruditu zitzaidan - puntuak ordenatzen" txartelak hartuta, abestu berri ditugun Arzallusen koplak nahas-mahasean emango zaizkigu (txartel bakoitzean, puntu bat dator): guk bi puntu lotuz koplak osatu beharko ditugu. Puntuak xuxen lotzeko, adi errimari eta esaldien zentzuari!
- "Esaten dudanean" karta jokoaz, Arzallusen koplak imitatzen ariko gara: esaldi egitura finko baten barruan, puntu erdiak sortzen.
- "Hitzak ordenatzen" jolasean, puntu bat osatu beharko dugu: txarteletan ematen zaizkigun hitzak nola berrantolatu erabaki beharko dugu, errimatzen duen hitza amaieran jarriz.
- Bukatzeko, puntu erdika errimatu gabe ariko gara, azkenik. Gai bati buruz ahal ditugun hitz gehien esaten, errimatu gabe.
