Iruditu zitzaidan...

2022-01-12

Baliabide hau klase hauetan erabili da:

Bost zentzumenei eskainitako kopla sorta ganberroa.

PDF

Ikusi nuenean
zure ipurdia
iruditu zitzaidan
Kongito erdia.

Aditu nuenean
nik zure puzkarra
iruditu zitzaidan
bonba nuklearra.

Laztandu nuenean
zure hankazpia
iruditu zitzaidan
fregona bustia.

Ukitu nuenean
nik zure zilborra
iruditu zitzaidan
Everest tontorra.

Usaindu nuenean
zure besapea
iruditu zitzaidan
sumo-konbatea.

Dastatu nuenean
nik zure mingaina
iruditu zitzaidan
txuleta bikaina.

Sumatu nuenean
zure begirada
iruditu zitzaidan
zaldi-ostikada.

Sentitu dudanean
nik zure bihotza
zergatik gorritu naiz?
Zergatik naiz lotsa?

Mota	Izenburua	Bertsolaria(k)	Deskribapena
	"Iruditu zitzaidan" puntuak ordenatzen	Maddalen Arzallus	Maddalen Arzallusen kopla sorta, nahas-mahasean emango zaigu. Orri zati bakoitzean, puntu bat emango zaigu. Guk bi puntu lotuz, koplak osatu beharko ditugu. Puntuak xuxen lotzeko, adi errimari eta esaldien zentzuari!
	Esaten dudanean...		Karta jokoa. Koplan, puntu erdiak osatzen. Puntuaren bigarren lerroa osatzen (6ak osatzen), oina ere emanda.