Emozioei buruz, puntu erdika
Hasteko, ereduzko sorta abestuko dugu: Maddi Sarasuaren "Emozioak" kopla sorta. Iruten ari nuzu doinua ikasiko dugu.
Sorta honek ekarri digun gaiaz eta doinuaz ariko gara gu ere kopletan: emozioei buruz, Iruten ari nuzu doinuan. Ariketa ezberdinen bidez, puntuak ordenatzen eta puntu erdiak sortzen ariko gara:
- "Emozioak - puntuak ordenatzen" txartelekin, abestu berri ditugun Sarasuaren koplak nahas-mahasean emango zaizkigu (txartel bakoitzean, puntu bat): guk bi puntu lotuz koplak osatu beharko ditugu. Puntuak xuxen lotzeko, adi errimari eta esaldien zentzuari!
- "Zerk amorratzen gaitu?" fitxaz, puntu erdiak sortzen ariko gara. Lagun batek, kopla batean azalduko du zerk amorrarazten duen; beste lagunak, halakotan zer egin daitekeen esan beharko du beste kopla batekin (aterabidea eskainiz).
- "Emozioak eta aldarteak" karta jokoaz, asmakizunetan jolastuko dugu gero. Emozio bakoitza deskribatuz kopla abestuko dugu, ea entzuleek igartzen duten zein emozio den. Kopla bakoitzean, puntu erdia sortzea izango da gure lana.
