2020-07-20
Bertsolaritzarekin lotutako online programa martxan izango da Instagram sare sozialean uztaileko azken astean zehar.
Uda honetan aurrez aurreko aisialdiko ekimen ugari bertan behera geratu direnez, sare sozialen bidez proposamen bat luzatzeko elkartu dira bertso munduko hainbat lagun. Ekimen honen helburua da udan bertso mundutik hurbil dagoen komunitatea mantendu eta zaintzea.
Hala, @WIFIAKBIDALIDU proiektua jarri dute martxan. Uztailaren 24tik 31ra bitartean hainbat erronka eta ekintza proposatuko dizkiete euren jarraitzaileei eta gehienek bertsolaritzarekin lotura izango dute.
Antolatzaile taldea Euskal Herri osoko bertso munduko hainbat pertsonek osatzen dute eta ateak zabalik dituzte inork proposamenik bidali nahi ezkero.
Iturria: @wifiakbidalidu