Saioa grabatu

Grabatzea merezi du

Saioa bideoz zein audioz grabatzea merezi du, bai sare sozialetan hedatzeko, zein dokumentu gisa artxibatzeko ere, etorkizunerako.

Bertsozale Elkartean, Xenpelar Dokumentazio Zentroan, artxibatzen ditugu bertso saioen grabazioak. Euskal Herrian barna saioak grabatzeaz arduratzen diren borondatezko biltzaile sare zabala dugu! Zure herriko saioak grabatzeko prest bazaude, jarri Xenpelar Dokumentazio Zentroarekin harremanetan eta, aholkularitzaz gain, grabaziorako bitarteko teknikoak utziko dizkizugu.

Antolatzaileak saioaren grabazioaz arduratzerik ez badu, zerbitzu hori eskaintzen du Lanku Kultur Zerbitzuak enpresak ere.

Bidali zuen grabazioak Xenpelar Dokumentazio Zentrora!

Dokumentazio zentroan jasotzen dugun grabazio bakoitzarekin hauxe da egiten duguna:

Grabazioari kopia bat egin eta originala jabeari itzultzen diogu.
Grabazioa, saioari buruzko informazioarekin batera, dokumentazio zentroan artxibatzen dugu, etorkizunean erabilgarri egongo dela bermatuz.
Bertsoaldi onenak hautatu eta hedapena ematen diegu, Bertsozale Elkarteko argitalpenen bidez (bertsoa.eus edota Bapatean bilduma, adibidez) zein hedabideekin ditugun hitzarmenen bidez.

Informazioa eskuratzeko: Xenpelar Dokumentazio Zentroa.

[Sakatu argazkian eta ikusi bideoa]