Bertsozale.eus | Bertsoa.eus | BDB | Bertsoikasgela Bertsozale Elkartea
Bertsoeskolak Bertsoeskolak
  1. Sarrera
  2. Baliabideak
  3. Ene errekontrua

Ene errekontrua

2025-10-20

1.Urratsa / 1.Ikasturtea

  • Bertsolaria(k): Fernando Aire "Xalbador"
  • Doinua: Gizona da zoroa
Fernando Aire Xalbadorrek ehizean bere burua tiroz zauritu zuenekoa. Hitzetik Hortzera saioak musikatua.
PDF Deskargatu
1.
Gizona da zoroa ta bihotz gabea
barnean baldin badu plazerren gosea
arimadun batentzat zer egitatea
hegaztin inozenter bizia kentzea!

2.
Tiroka ari denak uso gaixoari
bere burua ere ez du urrikari
usor egin nahia jin daike berari
hori gertatu zaio aurten Xalbadorri.

3.
Urrieta goiz batez, goizik oihanean
ihizin nindagola arma bizkarrean
tiro bat eskapatu zaut uste gabean
xuxen-xuxena sartuz zango muturrean.

4.
Jainkoari eskerrak hortan gelditurik
gehiagokorik gabe bi eri mozturik
tiroak hartu balu nonbait barnagotik
egun ez zen entzunen kantuz Xalbadorrik.

5.
Tiroak hiltzen baitu hatzemanez geroz
bederen zaurituko gaitu aldi oroz;
bizi nahi badugu trankil eta uros
arma xaharra sal ta berririk ez eros.

6.
Arma lanjerosa da gehiago ezina
ez dea alabainan hiltzeko egina?
Nik ene maIurrean egiten dut zina
beiratuko naizela hemendik aintzina.

1.
Gizona da zoroa ta bihotz gabea
barnean baldin badu plazerren gosea
arimadun batentzat zer egitatea
hegaztin inozenter bizia kentzea!
2.
Tiroka ari denak uso gaixoari
bere burua ere ez du urrikari
usor egin nahia jin daike berari
hori gertatu zaio aurten Xalbadorri.
3.
Urrieta goiz batez, goizik oihanean
ihizin nindagola arma bizkarrean
tiro bat eskapatu zaut uste gabean
xuxen-xuxena sartuz zango muturrean.
4.
Jainkoari eskerrak hortan gelditurik
gehiagokorik gabe bi eri mozturik
tiroak hartu balu nonbait barnagotik
egun ez zen entzunen kantuz Xalbadorrik.
5.
Tiroak hiltzen baitu hatzemanez geroz
bederen zaurituko gaitu aldi oroz;
bizi nahi badugu trankil eta uros
arma xaharra sal ta berririk ez eros.
6.
Arma lanjerosa da gehiago ezina
ez dea alabainan hiltzeko egina?
Nik ene maIurrean egiten dut zina
beiratuko naizela hemendik aintzina.

Ehizean, usotan izandako errekontrua edo istripua azaltzen du Xalbadorrek; eskopeta bizkarrean hartuta zihoala, ustekabean tiroak ihes egin eta zango muturrean jo zuen. Bi hatz moztu zizkioten. Hor konturatzen da Xalbador zer egiten dieten ehiztariek usoei.