Txakurra falta zuela-eta Albizuk jarritako bertso sorta, gertaera azalduz, txakurraren deskribapena eginez eta, aurkitzen zuenari, ekartzeko eskatuz. Sorta Principe de Viana aldizkarian argitaratu zen. Audioa: "Mundu bat bertso" ikasmaterialerako sortua.
Txakur bat galdu zaigu izena du "Lagun" beran billaka nabil gau eta egun, aztarrenikan ezin atera det iñun, ez dakit ura gabe zer egin biagun.
2.
Bildurturikan egin lezaken kaltiaz, lotuta edukitzen genduen katiaz, al zanik ondoena sabela betiaz, ez geunden asperturik jaten ematiaz.
3.
Begiratzen genion esan deten gisan, etxia zaindutzeko aproposa bai zan, errespeto onekua berez etorri zan, beste lanik etzuen jan, eran ta etzan.
4.
Zein etzun ikaratzen zan txakur aliak ta askatzian egiten zitun zaldaliak, zaunkaz uxatzen zitun toriatzalliak, garbi esango ditut dauzkan siñaliak.
5.
Mutur zabal nabarra, beso ankak gorrik, isatsa kendua ta moztuak belarrik, narruzko jantzi beltza, bi begiyak argik, letagiñak okerrak ditu ezaugarrik.
6.
Ama presakua du, aita alemana, ijituari tratu txar asko emana, burrukari guztien nagusi dagona, biartzian badaki agertzen kemena.
7.
Oietatik sortu zan gure "Lagun" beltxa, inork ez dakiela egin digu martxa, orrela pamilirik ezin leike altxa, obe nuan gizendu banuen bildotxa.
8.
Jayo zala zituen laun bat illabete, bostik etzitun beintzat oraindikan bete, gurekin aspertua zegon nolabaite, argatik alde egingo zuen norabaite.
9.
Etzeguan argala ezta ere astuna, ni gabe billatu du bere erostuna, norbaitek erantsiko ziyon eraztuna, daukanak badaki ura beria eztuna.
10.
Zortzi egun baditu etxetik galduta, unuzkero jarri da gosiak aulduta, beretzat artu dunak zarpatik elduta meserez ekartzala jabia baduta.
11.
Bateonbatek badu nunbait ikusiya edo besten bateri zerbait ikasiya, ekartzen didanari arren notiziya, berari emango diyot sari bereziya.
12.
Orduantxen egingo gerade lagunak, alkarri meseriak zor diozkagunak txakurkume batentzat bertso auek danak, ala ere billatziak emango'izkit lanak.
13.
Naiz ez egonagarren len zan bezin gizen bata bestiarekin konpondu gaitezen, bide galtzerik gabe etortzeko zuzen, beriala esango det nun bizitzen naizen.
14.
Alde aundiya dago txarretik prestura, itz eiyogun alkarri gizonen postura, agindutako danak artzeko eskura, etorri Tolosa'ko Txoko ostatura.
