Gorputzeko organo bakoitza non dagoen eta zer eginkizun dituen ikasteko jolasa. Kopla handian, organo bakoitzaren berri emango zaigu eta irudian zein den topatu beharko dugu.
Errima familiak zer diren ikasi dugunez, ea lortzen dugun buruhauste hau askatzea!
Gelaxka bakoitzean errimatzen duen hitz bat, gutxienez, jarri beharko dugu eta taula osatu.
Gai jartzaileak, aldiro, esaldi bat botako die. "Bai, erabat ados!" pentsatzen dutenek mikro batetik abestuko dute eta "Ezta pentsatu ere!" uste dutenek beste mikrotik.
Ipuinen inguruan ariko gara. Lehenik, bi oinak hartuta asmakizunetan ariko gara, ipuin bati buruzko pistak emanez (ea lagunek igertzen duten zein ipuin den!). Ondoren, euskal ipuinak bertsotan kontatzen ariko gara, narrazio bakoitza 6 bertsorekin osatuz. Nahi badugu, kantuan hasi haurretik eta girotzeko, bideotekako bertso ipuinekin goza genezake!
Animaliei buruz jardungo dugu, ariketa ezberdinak eginez: oin bikoteekin kopletan ariko gara eta azken puntua eta oinak emanda bertsotan egingo dugu, neurri txikian eta handian.
Elikadura eta jan-edanari buruz ariko gara bertsotan, azken puntua eta oinak emanda, neurri txikian eta neurri handian. Nahi badugu, kantuan hasi haurretik eta girotzeko, gaiari buruzko bertsoaldiekin goza genezake!
Maitasuna izango da kanturako gaia. Oin bikoteak hartuta, kopletan egingo dugu. Nahi badugu, kantuan hasi haurretik eta girotzeko, gaiari buruzko bertsoaldiekin goza genezake!
Egoera bitxi bakoitzaren aurrean nola jokatuko genukeen azalduko dugu, puntuari erantzunez, kopla doinuan. Nahi badugu, kantuan hasi haurretik eta girotzeko, zelebrekerien inguruko bertsoaldiekin goza genezake, bideotekan.
"Nor da nor?" jolasean ariko gara. Bi oinak emanda, kopla batean gure lagun ezkutua deskribatuko dugu, haren gaitasunak eta dohainak nabarmenduz. Ea entzuleek igartzen duten nor den! Nahi badugu, gure jolasa girotzeko, lehenik bertsolariak ikusiko ditugu euren buruaz kantuan...
Zentzumenei koplak jarriko dizkiegu. Lehen puntua emango zaigu eta, konparazioa sor dezagun, 3 oin emango zaizkigu aukeran. Nahi badugu, kantuan hasi haurretik eta girotzeko, "Ikusi nuenean" kopla zaharrak abestu genitzake eta baita kopla zaharrekin pantaila jolasetan aritu ere!
Kanturako gaia, aste arrunt batean egin ohi duguna izango da. Puntuari erantzungo diogu, kopla doinuan. Erantzuna txispaz emateko, erabili genezakeen oina ere emango zaigu. Nahi badugu, kantuan hasi haurretik eta girotzeko, gaiari buruzko bertsoaldiekin goza genezake!
