Eizagirre Kerejeta, Estitxu

Biografia

Hernaniko Langile ikastolan ikasi zuen. Ixiar Otamendi irakasleak bultzatuta bertso eskolan hasi zen Juanjo Uriarekin, eta ondoren herriko bertsolari helduxeagoak izan ditu irakasle (Eizmendi, Zelaia, Urdangarin). Bertso eskolak eragin handia izan du Estitxurengan: gaztetatik proiektu batean sartu izanak, oso gaztetatik are gaztetxoagoei eskolak emateak, gaztetatik bertso-aste bat antolatzen ikasteak, sortutako lagun koadrilak, herri mailan egin daitekeenaz pentsatzeak... Ikus-Entzunezko komunikazioa ikasi du Leioan. Argia astekarian egiten du lan, kazetari gisa. Bertsolaritzako arlorik gehienetan, eta lan arloan ere bai sarri, Ixiar ahizpak eta biek elkarrekin lan egiten dute.