Emakume jostunei eskainia, Getarian Balentziaga Museoan egindako Bertso Egunean.
1.
Mantalen dantzan, suaren bueltan Benantxi edo Ximona ama ez bazan amona kafea presto edozeinentzat nahiz urri zuten txanpona otorduero asetu behar mahaikada plater sakona ahal bezain goxoa, ona baina saldaren izarrei falta Michelinek duen sona.
2.
Bilbon Lezamalegiz amonen neskame izan zan Dolores kontatzen zuen umorez baserria zan pobreagoa betea kristau balorez ume mordoa erditu eta harro famili dotorez beti bestearen hobez ez dakidana aukera hori berea izan zan edo ez.
3.
Pilar gaixoa, zioten arren, ez tonta eta ez ñaño beti lanez leporaino aitak errita, amak errita kexu-jasa, beldur-laino ezkondu eta etxekoandre ai ze gezur, ze engaño! Senarra bapo ta, koño! Haria nunbait luzeagoa ohi da jostorratza baino.
4.
Zaharrena Karmen xeroragandik desberdina zan Maria lastoa eta garia baserri lana ez zuen maite ez famili ugaria ezpain gorritan zigarro edo aho-soinu jostaria bakarti ameslaria ahizpa zaharrantzat buruhaustea ilobentzat oparia.
5.
Auzo txikiko eskola hutsera etortzean Josefina aldatu zuen dotrina makilan partez euskaldun kantez dantzatzen zuen mingaina bikote gabe zelako nahiz zan esames denen jardina berean zekin, jakina norbanakoan aukeraz eman zuen lekzio bikaina.
6.
Exijentzia, obligazio kostura eta konpostura parpailaren azpildura aberatsenen soinekoetan Martinak txukun joskura etxea eta etxekoentzat amaren trebezi hura semiak "alta costura" eta hitz larriz gelditzen zaigu soilik aitaren deitura.
