Xabier Amurizaren bertsoekin Mikel Markezek ondutako kantua. Amurizari 2016an Durangon egindako omenaldian abestua, Josu Zabala eskusoinuaz lagun.
1.
Bizi-legeak dio argi bezain idor gaztea hilkor dela zaharra derrigor. Herri bat ez, ordea zergatik ez aitor hain zahar dela zeren sortu zen ez-hilkor. Ba, hala izan dadin indar bat dabil hor.
2.
Talde, xede, mugida han tira, hemen bultz! Zenbatek uzten duen arima ta gorputz! Su hori dena ezin bihur liteke hauts begiratzen badugu helburu bereruntz gailurra bertan dago ezin da egin huts.
3.
Gesalak haitzen kontra haustean hartzen min aparrak eman dezan oinetan atsegin. Gure erronka ez da hil bat piztu dedin baizik bizi den zerbait biziago egin sentituz geure eta ondorengoen duin.
4.
Gure aditz gutarrak: gara, ginen, gaude. Itsasoa bizi da lorik egin gabe. Gauden zu ta ni, denak olatuen alde! Argia islatzen da malkoetan ere garaipen bat ospatuz bada hainbat hobe!
