"1935-1967 Txapelketa Nagusien antologia kantatua" emanaldian abestutako sorta. Lehenik, 60. hamarkadan Lazkao Txikik botatakoak ekarri zituzten: Ameriketan gizonek platerak garbitzeko sortu zen "moda berriaz". Segidan, Gaztelumendik oraingo gizonei jarritako sorta hau abestu zuen.
1.
Amerikako moda eta aldarriak gure sukaldeetara daude ekarriak jasotzen ditugunez kritika larriak hara bost bertso bihotz animagarriak doinu zaharrean gizon berrioi jarriak.
2.
Kuadro bat hozkailuan hortxe dago dantzan ardurak banatuko diren esperantzan arraskan ipinita plateren arrantzan begira jarri arren galtzetako mantxan gutxi ikusi ditut josten eta plantxan.
3.
Aita-berri gaixoek a ze dinamika deskonektatu nahian hauxe da taktika: bateko triatloia besteko crossfita lagunekin kafea eta gintonica haurra bikotearen besotan utzita.
4.
Martxoaren 8an zalantzan, ezbaian inor baino hobeto kokatuta gaian hor ibiliko gara protestan zein jaian protagonismorik ez daukagun garaian zenbat sufritzen degun erakutsi nahian.
5.
Deserosotasuna txarra ez da berez baldin egiten bada ikasteko xedez baina zalantzak dauzkat gure jokaerez azalberritutako sugandilak legez aldatu gera baina hainbeste ere ez.
Donostiako Antzoki Zaharra, 2024-04-28.
*Ameriketan gizonek platerak garbitzeko hartu zuten joera berriari Lazkao Txikik botatako bertsoak ikusgai, hemen.
