Euskal famatuen munduari egindako satira. "Gu ta gutarrak" taldearen emanaldian abestua, 2007an.
1.
Bertsomaniaren aparra jaitsita plazaz plaza zabiltz, hilean lau zita bertsolari prezioan ea aitor zazu, nahiko garbi dago izan zenezakeen dizdira gehiago euskal konstelazioan?
2.
Izan zintezkeen gure politiko demokrazi-zale nahiz demokratiko zenbat demokrata modu baina ez zintuzke maiteko jenteak hemen profesional independienteak prestigio gehiago du.
3.
Ospe rankinean batzun ta besteen marka denak hautsiz, izan zintezkeen Bertin Osborne euskalduna gure telebista tragi-komikoan izarren sorkuntza endogamikoan astro pribilegioduna.
4.
Edo ez bazaitu erronkak beldurtzen euskal prensatikan guztiak egurtzen zutabegile burutsu ziriak banatuz, epaiak salduaz zure nortasuna originalduaz sen eta jakintza putzu.
5.
Izan nahi baduzu gaur egungo apaiz UPV-n maisu koloka zaitez, nahiz lehengo aldean den zaila pulpitoa eta pribilegioak ditu publikako maisu legioak txolloaren goren maila.
6.
Bertan zintezkeen, irentsiz dexente euskal intelektual independiente soldata publikoduna zeuk ere osatuz solisten koroa ezker abertzale ta Ermuko Foroa bat diren kabi komuna.
Soldata igoera eskatuz koroa ezker abertzale ta Ermuko Foroa bat diren kabi komuna.
7.
Inportantziaren bila bazabiltza sartu zure lehian gaurko euskalgintza ez baitabil abarkekin militantzi zaharrak badu gaur tekniko, kanpaina erraldoi, plan estrategiko korbata eta marketin.
8.
Denetan chic-ena puntako idazle referentzi-puntu, sari irabazle ene zenbat izar aulki urrutiramendu engaiatu finez gutxi mugitu ta asko eraginez esentzi xuria jaulki.
9.
Momentuan nola bertsolari zaren segi behintzat beti ikuskizunaren ispiluan begiratzen idatzi, grabatu, sartu entrebistan tertuliakidetu, irten telebistan utzi zaitez gonbidatzen.
10.
Nor izatekotan euskal kotilloian bertsolarietan doan pelotoian nabarmendu behar zendun izan autentiko, izan anti-jende anti-txapelketa, lider errebelde edo bestela txapeldun.
11.
Ze mundu zabala izan zintezkeena badakizu ez dela talentu problema dena da posible hemen aprobetxa zure bakarkako gaia mugitzen zaituen nabarmendu nahia ximel dakizun baino lehen.
