Bertsozale.eus | Bertsoa.eus | BDB | Bertsoikasgela Bertsozale Elkartea
Bertsoeskolak Bertsoeskolak
  1. Sarrera
  2. Baliabideak
  3. Euskal Herriko probintziak

Euskal Herriko probintziak

2024-10-01

Koplatan 7 herrialdeetan barna bidaia.
PDF
1.
LAPURDI
Ezpeletatik kostara (bis)
turismoa dute traba,
beraz, ez bisitan joan
beharrezkoa ez bada.

2.
NAFARROA
“Muga” batek bereizia, (bis)
ze lur handi ta bitxia.
Nafarroan egin leizke
bertze 7 probintzia.

3.
GIPUZKOA
Sagardo eta alarde, (bis)
zer da lur hau besta gabe.
Ta bertsolariak daude
harri azpitan baitare.

4.
XIBERUA
Xorrotx Buhame ta Pitxu, (bis)
ta zenbat jende jakintsu.
Folkloreaz gain lur hontaz
zerbait ba ote dakizu?

5.
ARABA
Lur emakorren dizidira (bis)
ta historiaren segida.
Arabako txoko asko
ezagutzekoak dira.

6.
BIZKAIA
Bilbo ta gainontzekoa
Guggenheim eta metroa
Nork jarri du bazterrean
Euskal Herriko “zentroa”.

7.
ZAZPIAK BAT!
Lurra kantu bidez blaitu (bis)
ta ezagutzen jarraitu.
Ezberdintzen baina gauza
gehiok elkartzen baikaitu.