Gure irudiaz ditugun zalantzen aurrean, ea ispiluak zer dion...
1.
-Ispilutxo, zer nago: argal edo lodi? -Nondik begiratzen den izaten da hori... Hankak zauli dituzu: altxa ta erori Gorputz batek behar du sentitzea ongi.
2.
-Tixerta hau ez ote da neretzako motza? Horrenbertze kolorek ematen dit lotsa! -Maite, arropa zer den pentsa zazu ontsa: ematen ote dizun bero edo hotza.
3.
-Pikortaz beterik dut, ispilu, bisaia! -Ba zabaldu ezazu begien paisaia beti izan zara-ta neska hain alaia Irribarre egiteko baduzu garaia!
4.
-Zu bezalako aunitz daude Instagramen... -Baina filtroek utzi dituzte nabarmen Nahiz eta ez dizudan hatzez "like" emanen nik bederen ez dizut gezurrik erranen.
