Gure odisea

Zuen artera gatoz
egitera kanta
nahiko genuke utzi
hemen gure marka
nahiz agian ez euki
bertsolari planta
kartzelan be badugu
kuadrilla galanta.

Astero elkartzeko
gaude gu aupaka
euskaraz gozatzeko
arituz kantaka
leku arrotza baita
espetxeko ataka
bertso-eskola guretzat
da gure Itaka.

Kalerako bidea
benetan luzea
kanta hau izan bedi
askapen haizea
barruko ta kanpoko
lotura lantzea
zuekin amaitzeko
gure odisea.