Unai Agirrek Larraitzen (2018-12-21) kantatutako bertso zaharrak. Etxeko katuari Joxe Garmendia bertsolariak jarritako sorta, eta Pello Errotak bere astoari buruz botea. Bideoaren egilea: Anbune.
1.
Joxe Garmendia. "Katu txiki bati jarriak"
Bertso berri batzuek nabil jarritzeko, nik dakitenarekin ez da arritzeko; iñork gogorik badu obek aditzeko, ikasi ta kantatzen gero aritzeko.
2.
Azienda bat dago gure etxean salgai, aspalditxuan nago erostunaren zai; merke emango diyot baluke iñork nai, katakume txiki bat, gustagarriya bai.
3.
Garbi emango ditut katu orren señak: txiki-txikitan ditu eztulak egiñak, gizentzen saiatzen naiz nere alegiñak, bañan persegitzen du ijarako miñak.
4.
Pensatzen egondu naiz neregan lenguan, xaguen batek bera jango ote duan, aiñ gauza arlotia sortu zan munduan, otzak pasia edo ez dakit zer duan.
5.
Suaren ondotikan irteten da bakan, nonbait bere gustua izaten du arkan; begiyak itxututa egoten da tranpan, Kristok bestek ez daki zer malezi dakan.
6.
Iñoiz ateratzen da zerbaiten eskera, edo ezurrak biuiñ dauzkan ikustera; doi-doia iyotzen da leioko koskera, eguzkia sartzian surtara ostera.
7.
Nik ez daukat orrekin ze alibiyorik, ez baldin badu uzten daukan jeniyorik; ez diyot ekarri nai betenariyorik, zergatikan ez daukan erremeriyorik.
8.
Ez det besterik biar erneatutzeko, koñatak esaten dit enpleatutzeko; baita nik kantak jarri enteratutzeko, artutzen dubenak ez entreatutzeko.
9.
Azkar mugi liteke iñork biar badu, bes tela udazkenak akabatuko du; len goatu nitzan da orain daukat damu, utsa zan sikiera konpradiyan banu.
10.
Begira emateko ez litzake inportik, pisatzen da entreduan ez ibiltziatik; tantiatua daukat dala ontzaz betik, bizirik pisata're ez da beintzat batik.
11.
Desgrazirikan asko neretzat izan da, egiñalak eginda gizendu ezinda; plakueneko markan askoz pasian da, etxia aurreratzeko au dek azienda!
12.
Bizkarreko illiak dabizki gozuak, baña soildu zaizkiyo anka ta besuak; muturreko illiak erre dizka suak, oso planta ederra ez dauka gaxuak.
13.
Orlako aziendik gutxi gora-bera, iñork egiten badu nun dagon galdera, tratuan oso errez konponduko gera; pozik emango diyot eraman aldera.
14.
"Pelloren astoak". Norbaitek adar joka Pello Errotari...
Begi bat itxua da, anka bat ausiya, illundu ezkeroztik ezin ikusiya, pausajia ere ez dauka biziya, bere modukua da orren nagusiya.
15.
Pelloren erantzuna
Anega t'erdi arto dauzka bizkarrian, ni bezela dijua pauso azkarrian, mantentzen errexa da: jaten du larrian, orretxek serbitzen nau bere baldarrian.
