Aitorren eta Ikerren semeak dira: 12 urterekin, DBH hasterako, mugikor bana eman diete. Aitorri sekulakoa erosi diote; Ikerri etxean zegoen Nokia zaharra eman diote, deitzeko soilik erabili daitekeena.
Sustraiek etxean erreforma egin nahi zuen eta Miren laguna boluntario azaldu zaio. Hasi da lanean Miren eta, ohartzerako, behar ez zen horma bat botatzen ari dela konturatu da Sustrai.
Joanes eta Agin bi polizia dira, euren txanda amaitzeko denbora egiten ari direnak, autoa behar ez den lekuan utzita. Beste polizia auto bat hurbiltzen ari zaie... nagusiarena da.
Eguberrietako bazkarian elkartu dira senideak mahaian. Julio ez da isiltzen (segidillan ikusiko dugu!). Unaik oso tarteka hartzen du hitza, baina bere kopla zorrotzek moztuko dute Julioren jarioa...
Ikastoletan zein bertso-eskoletan bertsolaritza lantzen hasi ziren lehen urteetan, baliabide asko sortu zituen, baita 3.000 doinutik gora biltzen dituen bertso doinutegia proiektua abiatu ere. Hitzetik Hortzerak eginiko elkarrizketa hemen ikusgai.
Gaizka Aranguren historia dibulgatzaileak lagunduta, Markel Irizar txirrindulari ohia bertsolaritzaren historian murgilduko da. Gaiari buruz hitz egingo digute Joxerra Garzia, Xabier Paya, Juanito Dorronsoro, Jon Enbeita, Xebastian Lizaso, Andoni Egaña, Nerea Elustondo eta Maite Berriozabalek ere. Ikasteko prest?
