Legazpian (Gipuzkoa) sortua da 1981eko irailaren 15ean. Legazpiko Haztegi Ikastolan egin du unibertsitatea bitarteko ikasketa ibilbidea. Industria Ingeniaritza Mekanikoan graduatua da (Donostiako Industria Ingeniaritza Teknikorako Unibertsitate Eskola) eta irakaskuntza du lanbide. Urretxuko Bertso-eskolan hasi zen bertsotan, Juanjo Sagastibeltzarekin. Hamahiru urte zituen. Ikasturte hartan bertan (1994) kantatu zuen lehen aldiz jendaurrean, Haztegi Ikastolan. Hurrengo urtean hartu zuen parte lehen aldiz Gipuzkoako Eskolarteko Bertsolari Txapelketan, txikien mailan, Goierriko taldean, eta beraiek izan ziren irabazle. 1999ra arte lehiatu da Eskolartekoetan eta bi aldiz jantzi du Gipuzkoako txapela, 1996an eta 1998an, eta Euskal Herriko txapeldunordea ere izan da azken urte horretan. Eskolarteko aroa amaiturik, ...
Ikusi gehiago
Legazpian (Gipuzkoa) sortua da 1981eko irailaren 15ean. Legazpiko Haztegi Ikastolan egin du unibertsitatea bitarteko ikasketa ibilbidea. Industria Ingeniaritza Mekanikoan graduatua da (Donostiako Industria Ingeniaritza Teknikorako Unibertsitate Eskola) eta irakaskuntza du lanbide.
Urretxuko Bertso-eskolan hasi zen bertsotan, Juanjo Sagastibeltzarekin. Hamahiru urte zituen. Ikasturte hartan bertan (1994) kantatu zuen lehen aldiz jendaurrean, Haztegi Ikastolan. Hurrengo urtean hartu zuen parte lehen aldiz Gipuzkoako Eskolarteko Bertsolari Txapelketan, txikien mailan, Goierriko taldean, eta beraiek izan ziren irabazle. 1999ra arte lehiatu da Eskolartekoetan eta bi aldiz jantzi du Gipuzkoako txapela, 1996an eta 1998an, eta Euskal Herriko txapeldunordea ere izan da azken urte horretan. Eskolarteko aroa amaiturik, bertsolari gazteentzako sariketa ugarietan hartu du parte, eta askotan jaso du garaikur nagusia: Osinalde, Berritxu, Xenpelar, Abra…
Gipuzkoako Bersolari Txapelketan 2003an hartu zuen parte lehen aldiz, eta orduz gero jokatu direnetan hartu du parte; finalista izan da 2019an eta 2024an.
Euskal Herriko Bertsolari Txapelketari dagokionez, 2001ean hartu zuen parte lehen aldiz Gipuzkoako kanporaketak gaindituta. Finalaurrekoetara heldu zen lehengo hartan eta hala heldu da 2013koan eta 2017koan ere; doinu berri bat (ikusi "Doinutegia" atala) plazaratu du azken honetan, Maulen, ganbarako lanean.
Ikusi gutxiago
