Lanak filtratu:
Denak (201) Bakarkakoa (35) Ofizioa (129) Taldean (18) Puntu erantzuna (3) Azken aurreko puntua (0) Azken puntua (0) Puntuka (0) Atzekoei kantari (16) Hitza emanda (0)
Aitorren semea, Jon, ederki ari da bertsotan. Edo hobeki esan, ari zen. Izan ere, duela lauzpabost hilabete Unai Agirre irakaslearekin hasi zen eta geroztik hain ongi ez dabilela iruditzen zaio Aitorri.
Gai jartzailea: Karlos Aizpurua
Bertsolariak:
Aitor Mendiluze,
Unai Agirre Goia
Saioa: 2023-11-18 Hondarribia Lagun-artekoa
Ama-alabak zarete. Oihana, ama, eta Nerea, 8 urteko alaba. Alabak esan dio amari bere urtebetetze festara ez dituela bere gelako lagun guztiak gonbidatu nahi.
Gai jartzailea: Iker Iriarte Iribar
Bertsolariak:
Oihana Iguaran,
Nerea Elustondo
Saioa: 2023-09-30 Lazkao Jaialdia
Antza denez euskaldunek oporretara joateko Grezia aukeratzen dute. Eta datuen arabera, munduan larrutan gehien egiten den lurraldea Grezia ei da.
Gai jartzailea: Iñaki Beitia "Arbildu"
Bertsolariak:
Xabi Paya,
Onintza Enbeita
Saioa: 2023-09-29 Loiu Jaialdia
Ofizio baino, ariketa honi o-fisio deituko diogu. Amaia, min oso intentsoak zenituelako Aitor Bizkarra fisioarengana joaten zinen. Bi sesiotan gaizki pasa ostean, mina joan baino, mina gorputz atal gehiagotara zabaldu zaizu. Hirugarren sesio batera joan zara gaur; duda asko dituzu hirugarren sesio bat gura ote duzun Aitorrekin, baina konfiatu egin duzu. Etzan zara ohatilan, eta Aitor fisioan lanean hasi den momentuan “Ai!” geratzeko esan diozu.
Gai jartzailea: Aritz Iza
Bertsolariak:
Amaia Agirre,
Aitor Bizkarra
Saioa: 2023-09-22 Oñati Jaialdia
Sebastian, banku bateko zuzendaria da. Egunero bezeroen kezkak eta zalantzak argitzeaz gain, kredituak ematen ditu, ordaintzen ez dutenei zigorrak ezarri… Gaur hiru bezero hauek etorri zaizkio: Oihana, Andoni eta Oihana. Bakoitzak badu bere kezka, edo galdera, edo proposamen edo haserrealdi. Ea bakoitzari ze erantzun ematen dion Sebastianek.
Gai jartzailea: Amaia Agirre
Bertsolariak:
Oihana Iguaran,
Sebastian Lizaso,
Oihana Bartra,
Andoni Egaña
Saioa: 2023-09-15 Lezo Jaialdia
Hondarribiako festak dira. Goizeko hirurak, seigarren gin-tonika edaten, dantzan, kantuan… zabiltzala, mugikorra begiratu, eta aspaldiko bikote ohi baten mezu berri bat duzula konturatu zara.
Gai jartzailea: Karlos Aizpurua
Bertsolariak:
Igor Elortza
Saioa: 2023-08-26 Hondarribia Jaialdia
Aitaginarreba da Anjel Mari, eta Sustrai, suhia. Sustraik duela urtebete bazkaldu zuen lehen aldiz Anjel Mariren etxean. Orduan, usoak saltsan prestatu zituen Anjel Marik. Sustraik ez ditu gustukoak, baina orduan “Ño! Ederra dago hau!” esanez aritu zen, eta Anjel Mari pozarren. Geroztik, Sustrai Anjel Mariren etxera joan den bakoitzean, taka, usoak saltsan. Konfiantza pixka bat hartu du Sustraik urtebeteren ondoren, eta egia esateko unea dela iruditu zaio.
Gai jartzailea: Imanol Artola "Felix"
Bertsolariak:
Sustrai Colina,
Anjel Mari Peñagarikano
Saioa: 2023-08-24 Amezketa Jaialdia
Etxebizitza alokatzea ez da ahuntzaren gauerdiko eztula. Galtzak bete lan jartzen dizkiete askotan etxea alokatu nahi duten horiei etxejabeek. Curriculuma, irabaziak eta gauza asko eskatzen dituzte etxejabeek etxea alokairuan uzterakoan. Ikerrek Zegamako etxea alokairuan jarri du, eta beste bostok adierazi duzue alokatzeko interesa. Bakoitzak arrazoitu dezala Ikerrek zergatik hautatu behar duen norbera. Eta Ikerrek ea bakoitzak konbentzitu duen ala ez.
Gai jartzailea: Imanol Artola "Felix"
Bertsolariak:
Sustrai Colina,
Maialen Lujanbio,
Alaia Martin,
Unai Mendizabal,
Iker Zubeldia,
Andoni Egaña
Saioa: 2023-08-15 Zizurkil Jaialdia
Sortzaileak zarete zuek eta gure planeta hankaz gora dago. Planeta txuri bat oinarri hartuta planeta berri bat sortu dezazuen eskatuko dizuet. [Gai-emaileak eskura eman die lanpara baten antzeko bola bat]
Gai jartzailea: Irati Anda
Bertsolariak:
Uxue Alberdi,
Oihane Perea,
Xabi Igoa,
Aitor Bizkarra
Saioa: 2023-08-08 Gasteiz Jaialdia
Bada jende asko, zortean, patuan eta destinoan sinisten duena; konstelazio familiarrak, eskua irakurtzea, astrologiako kartak... Eñautek sinisten al du guzti horretan?
Gai jartzailea: Iker Iriarte Iribar
Bertsolariak:
Eñaut Martikorena Lizaso
Saioa: 2023-07-15 Alegia Jaialdia
Unai eta Miren, 80ko hamarkadan hil zineten bi lagun zarete, zuen gorputzak kriogenizatu egin zituzten. Hau da, izoztu egin zintuzten etorkizuneko teknologiak berpiztuko zaituztelakoan. 2023a heldu da eta teknologia hori deskubritu da. Hozkailuan berrogei urte pasa ostean, berpiztu eta atera zarete. Hau al da espero zenutena?
Gai jartzailea: Jon Amezaga
Bertsolariak:
Miren Artetxe,
Unai Iturriaga
Saioa: 2023-07-12 Getxo Jaialdia
Jakina da bizi garen inguruak eragina duela gure kulturan eta ohituretan. Eta tartean tenperaturak baduela zerikusia horretan. Esaterako iparraldeko lurraldeetan izaeraz hotzagoak izaten omen dira eta hegoaldean berriz, bero handiagoa eta argitasun gehiago dagoenetan izaera irekiagoa eta beroagoa omen dute. Baina euskaldunak non kokatzen gara? Ze izaeratakoak gara gu?
Gai jartzailea: Jon Amezaga
Bertsolariak:
Julio Soto,
Kerman Diaz
Saioa: 2023-07-12 Getxo Jaialdia
Aita-semeak zarete; Aitor aita eta Joanes 15 urteko seme gaztea. Joanes, Aitor aitaren kuadrillakoekin topo egindakoan, aita gaztetan oso parrandazalea zela esaten dizute, beti izaten zela azkena erretiratzen. Orain, berriz, herriko jaiak iritsita, kate motzean lotu zaitu aitak, Joanes. Hala esaten dizu: “Joanes, gauerditako etxera etorri gero e!”. Ez duzu ulertzen aitaren jarrera.
Gai jartzailea: Aritz Eskudero
Bertsolariak:
Aitor Mendiluze,
Joanes Illarregi
Saioa: 2023-06-24 Andoain Jaialdia
Kuadrilla bereko bi guraso zarete. Whatsapp talde bereko kide zarete, nahiz gutxitan elkartu. Ametsek noiznahi bidaltzen ditu Whatsapp taldera bere alabaren bideoak; gaur alabaren lehen bizikleta pedalkaden irudiak bidali ditu taldera. Oihana nekatzen hasia dago.
Gai jartzailea: Aimar Karrika
Bertsolariak:
Oihana Iguaran,
Amets Arzallus
Saioa: 2023-03-26 Biriatu Jaialdia
Mendaroko Txirrindulari Elkarteak Kilimontraila antolatzen du urtero. Joanesek izena eman du mendi lasterketan. Asko entrenatu da horretarako. Heldu da eguna eta lasterketaren ibilbidearen erdialdean, hidratazio postuan Amets dago edariak, gelak eta halakoak banatzen. Joanes postura iritsitakoan bien begiradak gurutzatu dira. Joanesek Amets ikusitakoan pentsatu du “Hau mutil puska! Ze begirada daukan!”. Ametsek berriz pentsatu du “Hau da baldar puska! Nora uste du etorri dela?”. Helmugan ikusi duzue elkar.
Gai jartzailea: Ainhoa Urbieta
Bertsolariak:
Amets Arzallus,
Joanes Illarregi
Saioa: 2023-03-17 Mendaro Jaialdia
Bittor, atzeko hirurak oso musikazaleak dira, eta musikari buruz asko egiten dute berba. Erikari entzun diozu: “Entzun duzue J Martinaren Efemerideak-en bertsioa? Brutala da”. Eta segidan Elik “Ba ni Merina Grisen kontzertuan izan nintzen eta zelako esperientzia!”. Eta Anderrek “Ba ni nabil Vulk entzuten eta itzela da, itzela!”. Hori da kuadrillan egiten dituzten komentarioak. Baina denok daukagu binilozko diskoak bezala B alde bat, eta B alde hori da inork entzuten ez gaituenean entzuten dugun musika hori. Zein da hiru horien B aldea Bittor? Bakarrik daudenean ze ezkutuko musika lista entzuten dute?
Gai jartzailea: Miren Amuriza
Bertsolariak:
Eli Pagola,
Erika Lagoma,
Bittor Altube,
Ander Elorriaga
Saioa: 2023-03-10 Berriz Jaialdia
Puntua: Zu azkena noiz joan / zinen medikura?
Puntua: Sistema pribatura / edo publikora?
Puntua: Itxaron zerrendetan / gaur ez dago giro
Puntua: Proba ein behar duzu / baina zertarako?
Puntua: Zu lasai hilko zara / arnasak itota
Gai jartzailea: Julio Soto
Bertsolariak:
Xabat Illarregi
Saioa: 2023-02-12 Etxarri-Aranatz Jaialdia
Auzoak zarete, Oihanaren etxebizitza beste guztien erdian dago, eta paretak oso finak direnez, beste denen hots eta zaratak entzuten ditu. Bakoitzaren ze hots aditzen duzu?
Gai jartzailea: Joseba Beltza Bengoetxea
Bertsolariak:
Julio Soto,
Maialen Akizu,
Eneko Lazkoz,
Oihana Bartra,
Alaia Martin,
Xabat Illarregi
Saioa: 2023-02-12 Etxarri-Aranatz Jaialdia
Iker, Goierriko enpresa nagusi batean urte asko egin dituzu lanean. Hango soldatak eta egoerak salatu, eta kaleratu egin zintuzten. Gaur finikitoa sinatzera joan zarenean zure ordezkoa izango den Nerearekin egin duzu topo.
Gai jartzailea: Igor Eguren
Bertsolariak:
Nerea Ibarzabal,
Iker Zubeldia
Saioa: 2023-02-10 Ordizia Lagun-artekoa
Juliok eta Nereak rollito* bat eduki zuten duela gutxi. Rollitto batek irauten duena irauten du. Bukatuz geroztik akordatu dira elkarrekin baina elkarrengandik ihes eginez bezala ibili dira. Gaur goizaldean topo egin dute tabernan, komuneko atarian; Julio sartzen eta Nerea ateratzen.
*Rollito (Hegoaldean): iraupen laburreko amodio istorioa.
Gai jartzailea: Arkaitz Goikoetxea
Bertsolariak:
Julio Soto,
Nerea Ibarzabal
Saioa: 2022-10-09 Lekunberri (N) Jaialdia