Lanak filtratu:
Denak (210) Bakarkakoa (35) Ofizioa (135) Taldean (19) Puntu erantzuna (3) Azken aurreko puntua (0) Azken puntua (0) Puntuka (0) Atzekoei kantari (18) Hitza emanda (0)
Jakina da bizi garen inguruak eragina duela gure kulturan eta ohituretan. Eta tartean tenperaturak baduela zerikusia horretan. Esaterako iparraldeko lurraldeetan izaeraz hotzagoak izaten omen dira eta hegoaldean berriz, bero handiagoa eta argitasun gehiago dagoenetan izaera irekiagoa eta beroagoa omen dute. Baina euskaldunak non kokatzen gara? Ze izaeratakoak gara gu?
Gai jartzailea: Jon Amezaga
Bertsolariak:
Julio Soto,
Kerman Diaz
Saioa: 2023-07-12 Getxo Jaialdia
Aita-semeak zarete; Aitor aita eta Joanes 15 urteko seme gaztea. Joanes, Aitor aitaren kuadrillakoekin topo egindakoan, aita gaztetan oso parrandazalea zela esaten dizute, beti izaten zela azkena erretiratzen. Orain, berriz, herriko jaiak iritsita, kate motzean lotu zaitu aitak, Joanes. Hala esaten dizu: “Joanes, gauerditako etxera etorri gero e!”. Ez duzu ulertzen aitaren jarrera.
Gai jartzailea: Aritz Eskudero
Bertsolariak:
Aitor Mendiluze,
Joanes Illarregi
Saioa: 2023-06-24 Andoain Jaialdia
Kuadrilla bereko bi guraso zarete. Whatsapp talde bereko kide zarete, nahiz gutxitan elkartu. Ametsek noiznahi bidaltzen ditu Whatsapp taldera bere alabaren bideoak; gaur alabaren lehen bizikleta pedalkaden irudiak bidali ditu taldera. Oihana nekatzen hasia dago.
Gai jartzailea: Aimar Karrika
Bertsolariak:
Oihana Iguaran,
Amets Arzallus
Saioa: 2023-03-26 Biriatu Jaialdia
Mendaroko Txirrindulari Elkarteak Kilimontraila antolatzen du urtero. Joanesek izena eman du mendi lasterketan. Asko entrenatu da horretarako. Heldu da eguna eta lasterketaren ibilbidearen erdialdean, hidratazio postuan Amets dago edariak, gelak eta halakoak banatzen. Joanes postura iritsitakoan bien begiradak gurutzatu dira. Joanesek Amets ikusitakoan pentsatu du “Hau mutil puska! Ze begirada daukan!”. Ametsek berriz pentsatu du “Hau da baldar puska! Nora uste du etorri dela?”. Helmugan ikusi duzue elkar.
Gai jartzailea: Ainhoa Urbieta
Bertsolariak:
Amets Arzallus,
Joanes Illarregi
Saioa: 2023-03-17 Mendaro Jaialdia
Bittor, atzeko hirurak oso musikazaleak dira, eta musikari buruz asko egiten dute berba. Erikari entzun diozu: “Entzun duzue J Martinaren Efemerideak-en bertsioa? Brutala da”. Eta segidan Elik “Ba ni Merina Grisen kontzertuan izan nintzen eta zelako esperientzia!”. Eta Anderrek “Ba ni nabil Vulk entzuten eta itzela da, itzela!”. Hori da kuadrillan egiten dituzten komentarioak. Baina denok daukagu binilozko diskoak bezala B alde bat, eta B alde hori da inork entzuten ez gaituenean entzuten dugun musika hori. Zein da hiru horien B aldea Bittor? Bakarrik daudenean ze ezkutuko musika lista entzuten dute?
Gai jartzailea: Miren Amuriza
Bertsolariak:
Eli Pagola,
Erika Lagoma,
Bittor Altube,
Ander Elorriaga
Saioa: 2023-03-10 Berriz Jaialdia
Puntua: Zu azkena noiz joan / zinen medikura?
Puntua: Sistema pribatura / edo publikora?
Puntua: Itxaron zerrendetan / gaur ez dago giro
Puntua: Proba ein behar duzu / baina zertarako?
Puntua: Zu lasai hilko zara / arnasak itota
Gai jartzailea: Julio Soto
Bertsolariak:
Xabat Illarregi
Saioa: 2023-02-12 Etxarri-Aranatz Jaialdia
Auzoak zarete, Oihanaren etxebizitza beste guztien erdian dago, eta paretak oso finak direnez, beste denen hots eta zaratak entzuten ditu. Bakoitzaren ze hots aditzen duzu?
Gai jartzailea: Joseba Beltza Bengoetxea
Bertsolariak:
Julio Soto,
Maialen Akizu,
Eneko Lazkoz,
Oihana Bartra,
Alaia Martin,
Xabat Illarregi
Saioa: 2023-02-12 Etxarri-Aranatz Jaialdia
Iker, Goierriko enpresa nagusi batean urte asko egin dituzu lanean. Hango soldatak eta egoerak salatu, eta kaleratu egin zintuzten. Gaur finikitoa sinatzera joan zarenean zure ordezkoa izango den Nerearekin egin duzu topo.
Gai jartzailea: Igor Eguren
Bertsolariak:
Nerea Ibarzabal,
Iker Zubeldia
Saioa: 2023-02-10 Ordizia Lagun-artekoa
Juliok eta Nereak rollito* bat eduki zuten duela gutxi. Rollitto batek irauten duena irauten du. Bukatuz geroztik akordatu dira elkarrekin baina elkarrengandik ihes eginez bezala ibili dira. Gaur goizaldean topo egin dute tabernan, komuneko atarian; Julio sartzen eta Nerea ateratzen.
*Rollito (Hegoaldean): iraupen laburreko amodio istorioa.
Gai jartzailea: Arkaitz Goikoetxea
Bertsolariak:
Julio Soto,
Nerea Ibarzabal
Saioa: 2022-10-09 Lekunberri (N) Jaialdia
Puntua: Argindarra ta gasa / urre prezioan
Puntua: Hotzik pasako al dugu / aurtengo neguan?
Puntua: Ta Iberdrolak berriz / irabazi latza
Gai jartzailea: Karlos Aizpurua
Bertsolariak:
Oihana Iguaran
Saioa: 2022-08-27 Hondarribia Jaialdia
Badakigu Jon eta Anjel Mari bi Athletic zale sutsu eta fin zaretela, Athleticen filosofiarekin bat datozenak. Tira, Jon duela gutxi arte zetorren bat taldea euskal jokalariekin bakarrik osatzeko filosofiarekin. Azkenaldian zalantza sortu zaio Joni, batez ere Realaren azken kopa eta Europako sailkapenak ikusita.
Gai jartzailea: Karlos Aizpurua
Bertsolariak:
Jon Maia,
Anjel Mari Peñagarikano
Saioa: 2022-08-27 Hondarribia Jaialdia
Jon aita eta Eli alaba. Jon EH Bilduko zinegotzia da herrian. Jon, etxerako bidean “Bildu kapitalista” dioen pintada ikusi duk, gorriz idatzita. Etxera sartu orduko bi esprai poto gorri ikusi dituk sukaldeko mahaian eta Eli alaba eskuak garbitzen.
Gai jartzailea: Karlos Aizpurua
Bertsolariak:
Eli Pagola,
Jon Maia
Saioa: 2022-08-27 Hondarribia Jaialdia
Argi dago zezenketak eta tauromakia Euskal Herrian beherantz doan fenomeno bat dela eta amaitu egingo dela. Baina Bizkarra, zuretzat egun hori berandu etorriko da. Zu zezena zara eta gaur Bilboko zezen plazan zaude. Aurrean duzu beste Aitor hau, toreroa, zu xaxatzen eskuetan Espainiako bandera duten bi banderilla dituela, zuri sartzeko prest.
Gai jartzailea: Joserra Bilbao
Bertsolariak:
Aitor Bizkarra,
Aitor Etxebarriazarraga
Saioa: 2022-08-25 Bilbo Jaialdia
Kataluniatik etorritako batzuek esaten zidaten hemen oso ondo bizi garela, garesti xamar baina ondo bizi, eta soldata ona izango dugula hala bizitzeko. Zuek bi autonomo zarete.
Gai jartzailea: Unai Elizasu
Bertsolariak:
Nerea Elustondo,
Unai Gaztelumendi Arandia
Saioa: 2022-08-17 Donostia Jaialdia
Aita-semeak zarete. Eneko semeak egunero egin du gaupasa, baita egunero eraman ere aitari txurro dozena erdi bat eta egunkaria. Lehen egunean Andoniri lasaitua eman zion; gaur Eneko semearekin hitz egitera dator.
Gai jartzailea: Monika Arratibel
Bertsolariak:
Eneko Lazkoz,
Andoni Egaña
Saioa: 2022-08-03 Etxarri-Aranatz Jaialdia
Ur gutxi dagoela eta Etxarri-Aranatzeko Udalak duela aste batzuk ohar bat zabaldu zuen herrian. Bertan eskatzen zitzaigun herritarroi argi ibiltzeko ur kontsumoarekin. Zuk, Iker, muturreko erabakia hartu duzu: euria egin bitartean ez zara dutxatuko. Kalera irten zara eta hor ikusi duzu Oihana bere autoa garbitzen.
Gai jartzailea: Monika Arratibel
Bertsolariak:
Oihana Iguaran,
Iker Zubeldia
Saioa: 2022-08-03 Etxarri-Aranatz Jaialdia
Laurogeita bost urteko alargun bi zarete. Harreman bat hastea erabaki duzue. Gaur afari bat egingo duzue zuen seme-alaba eta ilobei harremanaren berri emateko. Afaria prestatzen zabiltzate.
Gai jartzailea: Ander Elorriaga
Bertsolariak:
Iruri Altzerreka,
Oihana Arana
Saioa: 2022-07-29 Garai Jaialdia
Ama-alabak dira: Uxue ama eta Maider alaba. Txiki-txikitatik, zer gerta ere, amak alabaren behatzetako bati hari mutur bat lotu zion, mataza amak gordeta eskutan. Haurra hazi ahala haria askatzen joan da ama. Haurra kozkortu da dagoeneko, eta ama ohartu da azkenaldian hariari tiratuz gero haria tenkatu egiten dela. Susmoren bat izaki, haria biltzen hasi da ama; bildu eta bildu, eta azkenerako ohartu da, alabaren behatzari lotutako haria zuhaitz bati lotuta dagoela.
Gai jartzailea: Ainhoa Aranburu
Bertsolariak:
Uxue Alberdi,
Maider Arregi Markuleta
Saioa: 2022-06-18 Hondarribia Berezia
Maider, Bidasoaz beste aldean dagoen herrian, 18 urte arteko ikasketa guztiak euskaraz egin arren, gazteek ezin dituzte brebeta eta baxoa azterketa ofizialak euskaraz egin, frantsesez egin behar dituzte derrigor. Maider gaur egin duzu azterketa, eta dena euskaraz idatzi duzu. Badakizu zero jarriko dizutela. Ateratzean zain dituzu Uxue, frantsesez azterketa egin duen laguna; Miren, zure zientziako irakaslea eta Amaia, zure ama.
Gai jartzailea: Ainhoa Aranburu
Bertsolariak:
Miren Amuriza,
Uxue Alberdi,
Amaia Agirre,
Maider Arregi Markuleta
Saioa: 2022-06-18 Hondarribia Berezia
Bizilagunak zarete, eta Josune, zu Izarorengana hurbiltzeko aitzakia bila zabiltza beti. Gaur arropa eskegitzen ari zarela kamiseta bat erori zaizu bere tenderetera.
Gai jartzailea: Maite Berriozabal
Bertsolariak:
Josune Aramendi,
Izaro Bilbao
Saioa: 2022-05-22 Markina-Xemein Jaialdia