Familia desberdinak

2026-03-06

Baliabide hau klase hauetan erabili da:

Zenbat etxe, hainbat familia mota.

PDF

Famili desberdinak
urrun joan gabe
gure ikastetxean
mota aunitz daude.

Lurrek bi ama dauzka
lau aitona-amona
poz eta maitasunez
sortzen da pertsona.

Liam hiru urtekin
adoptatu zuten
bere jaioterrira
joango da aurten.

Lea alaba bakarra
ari da handitzen
bere etxean ez da
bakarrik sentitzen.

Lehen sei ziren etxean
eta orain bikiak
denak babesten ditu
etxetxo ttikiak.

Ibrahimeren amak
ez du bikoterik
biak batera daude
indarrez beterik.

Jaimen aitatxo ez da
bizi beraiekin
bideodeien bidez
noiznahi elkarrekin.

Minbiziak eraman
zuen Jonen ama
beretaz oroitzen da
janztean pijama.

Lizarren gurasoak
bananduta daude
horregatik da bera
bi etxeren jabe.

10.

Harrera-etxe baten
dago Cecilia
hango lagunak dira
bere familia.

11.

Aitatxo eta amatxo,
anaia, arreba
baina perfekziorik
posible ote da?

12.

Bizitza nora doan
ezin dugu jakin
pozik bizi gaitezen
daukagunarekin.