Etxahun Lekue
| Izena | Lekue, Etxahun |
|---|
| Abizena(k) | Lekue |
|---|
| Izen osoa | Lekue Etxebarria, Etxahun |
|---|
| Jaiotza | Larrabetzu < Uribe-Butroe < Bizkaia < Euskal Herria < Europa (1979) |
|---|
Biografia
Irakasle-eskolan ikasketak egina, Bizkaiko Bertsozale Elkarteko langilea da, eta bertsolaritza-irakasle ari da hezkuntza arautuan. Etxeko giroaren eraginez bertso zaletu zen, eta 9-10urte baino ez zituela hasi zen bertso-eskolan. Lehen plaza Larrabetzun, Hori Bai gaztetxean, bertso eskolako lagunekin izan zuen. Herri horretako Itallen Bertso-Eskolako kidea da.
Bertso-jarduerari dagokionez, Eskolarteko eta gazte sariketetatik pasata, 2002tik 2021erako Bizkaiko Txapelketako final guztietan aritu zen. 2016an txapela eskuratu zuen. Horrez gain, 2005, 2009, 2013 eta 2017 urteetako Txapelketa Nagusietan finalaurrekoetara heldu zen.
