Leitzan (Nafarroa) sortua da 2001eko irailaren 28an. Anaia du Joanes Illarregi bertsolaria. Irakasletzan lizentziatua da Euskal Herriko Unibertsitatean (EHU) eta bertsolaritza irakaskuntzan dihardu Gipuzkoako Bertsozale Elkartearen hezkuntza programan. Leitzako Erleta ikastetxean hasi zen bertsogintzan trebatzen Nafarroako Bertsozale Elkartearen programaren baitan, Joxema Leitzarekin, zortzi urte zituela; Leitzan bertako Atekaberts Bertso Eskolan eman zion jarraipena trebakuntzari. Garaiko ia bertsolari guztiak bezala, lurraldeko Eskolarteko Bertsolari Txapelketan plazaratu zen; gero heldu ziren, besterik beste, Euskal Herriko Eskolarteko Bertsolari Txapelketak, bertsolari gazteentzako sariketa ugari, eta Nafarroako Bardoak taldekako txapelketa. Birritan irabazi du Nafarroako Eskolarteko Txapelketa, 2018an eta 2019an. Bertsolari gazteen sariketa ugari irabazi du (Berritxu, ...
Ikusi gehiago
Leitzan (Nafarroa) sortua da 2001eko irailaren 28an. Anaia du Joanes Illarregi bertsolaria. Irakasletzan lizentziatua da Euskal Herriko Unibertsitatean (EHU) eta bertsolaritza irakaskuntzan dihardu Gipuzkoako Bertsozale Elkartearen hezkuntza programan.
Leitzako Erleta ikastetxean hasi zen bertsogintzan trebatzen Nafarroako Bertsozale Elkartearen programaren baitan, Joxema Leitzarekin, zortzi urte zituela; Leitzan bertako Atekaberts Bertso Eskolan eman zion jarraipena trebakuntzari. Garaiko ia bertsolari guztiak bezala, lurraldeko Eskolarteko Bertsolari Txapelketan plazaratu zen; gero heldu ziren, besterik beste, Euskal Herriko Eskolarteko Bertsolari Txapelketak, bertsolari gazteentzako sariketa ugari, eta Nafarroako Bardoak taldekako txapelketa.
Birritan irabazi du Nafarroako Eskolarteko Txapelketa, 2018an eta 2019an. Bertsolari gazteen sariketa ugari irabazi du (Berritxu, Abra, Mariano Izeta, Aramaioko Kopla txapelketa, Erniarraitz...) eta gertu ibili da beste hainbatetan. Bi aldiz irabazi du Bardoak Nafarroako Taldeketako Bertso Ekimena, Leitzako taldearekin.
Nafarroako Bertsolari Txapelketan, 2019an kantatu zuen lehen aldiz, eta finaleko taldean sartu zen. Finalean izan da orduz geroztik jokatu direnetan; Txapelduna izan da 2025ean jokatutakoan, anaia Joanesekin lehian. Euskal Herriko Bertsolari Txapelketan, berriz, 2022an hartu du parte lehen aldiz, lehen kanporaketa fasean jardun du.
Leitzako Atekaberts bertso-eskolan ikasie izatetik bertako irakasle eta arduradnetakoa izatea igaro da. Horrez gain, aipatzekoa da, bertsolaritzaren irakaspenaren alorrean Jon Martin eta Asier Barandiaranekin elkarlanean egindako "Bertsolaritza eskolan proiektua Nafarroan: ikasleen konpetentzietan duen eragina" ikerlana (2025).
Ikusi gutxiago
