Andoni Egaña

Izena	Egaña, Andoni
Abizena(k)	Egaña
Izen osoa	Egaña Makazaga, Andoni
Beste izenak	Egaña Makazaga, Andoni
Jaiotza	Zarautz < Urola Kosta < Gipuzkoa < Euskal Herria < Europa (1961)

Biografia

80ko hamarkadaren bukaeratik aurrera, 90eko hamarkadan batik bat, bera izan da bat-bateko bertsogintzaren ordezkari nagusietakoa. Euskal Filologiako lizentziaduna da. Gaur egun erabat sorkuntzari emana bizi da eta bertsolari ez ezik, ikertzaile, teorizatzaile eta idazle eta zutabegile moduan ere nabarmendu da Andoni Egaña. Bereziki azpimarratzekoa da bat-bateko bertsoa sortzeko prozesua azaltzeko eta ezagutarazteko egin duen ekarpena. Bat-bateko bertsoa beste kultur adierazpide batzuekin uztartzeko egin diren esperientzia askotan parte hartu du. Euskal Herriko bertsolari txapelduna izan da lau ediziotan (1993, 1997, 2001, 2005) eta 1986an parte hartzen hasi zenetik 2009an agurtu zen arte, finalista edizio guztietan. 1991n Gipuzkoako txapelketan txapeldunorde izan zen eta 1999an jokatu zen Herrien arteko txapelketa irabazi zuen Zarauzko taldearekin. Amurizaren eraginetik abiatuta, bertsolaritzari maila gorena eman dion bertsolaria. Ez dira asko izango Andoni Egaña izan den bertsolari onena dela ukatzen dutenak. Plazaz plaza erritmo harrigarrian jarduteaz gain, bertsolaritza eta ahozkotasunaren gaineko ekarpen teoriko interesgarriak ere eginak ditu.

BDB Fitxa ikusi

Baliabideak

Izenburua	Bertsolaria(k)	Deskribapena
Hitzak asmatzen	Unai Iturriaga Andoni Egaña	Bertsolari batek pistak eman eta ea besteak hitz ezkutua asmatzen duen... Jolas dezagun guk ere!
Haurrak Olentzerorekin galdera-erantzunetan	Unai Iturriaga Onintza Enbeita Andoni Egaña	COVID-aren harira dauden neurriekin, Olentzerok etortzerik izango duen kezkatuta daude Onintza eta Unai. Bideo-dei bidez Olentzerorekin jarri dira harremanetan. Ikus ditzagun galdera-erantzunetan!
Galdera erantzunetan, sukaldaria eta kritiko gastronomikoa	Sebastian Lizaso Andoni Egaña	Andoni gastronomiako kritikaria da. Sebastianen jatetxera sartu, bazter guztiak miatu eta galdezka hasiko zaio Sebastiani, zorrotz... Ez dago ixilik egoteko txefa! Ikusi nuanean doinuan, galdera erantzunetan egindako saio ederra.
Habanera doinuan ahalik eta hitz gehien sartzen	Oihana Iguaran Sebastian Lizaso Maialen Lujanbio Andoni Egaña	Bikoteka egingo dute lehiaketa. Gai-jartzaileak emango die heldulekua, eta horren inguruko ahalik eta hitz gehien esan beharko dituzte Habanera doinuan, puntuka.
Lizaso puntuak erantzuten	Oihana Iguaran Sebastian Lizaso Jexux Mari Irazu Muñoa Maialen Lujanbio Amets Arzallus Andoni Egaña	Bertsolariek jarritako 10 punturi erantzunak, atseden tarterik gabe.
Bertso bikotea aurkitzeko aplikazioa	Oihana Iguaran Aitor Mendiluze Maialen Lujanbio Andoni Egaña	Andoni bertsokidea aurkitzeko aplikazioa da. Atzeko bakoitzak beteko du bere profila zein den appean, zer-nolako esperientziak bilatzen dituen, eta Andonik topatuko die neurriko kantulaguna.
Frontisa eta erreboteko pareta	Maialen Lujanbio Andoni Egaña	Bi horma dira Maialen eta Andoni, beti elkarren parean baina elkar ukitzen ez dutenak. Andoni, frontisa; Maialen, erreboteko pareta.
Hipokondriakoa lasaitzen	Julio Soto Amets Arzallus Andoni Egaña	Julio hipokondriakoa da. Bere lagunak lasaitzen saiatzen dira, nor bere eran: Andoni esamolde potoloz eta Amets bere adibideekin adarretatik joanez.
Baserrian hotela jarri eta auzokoak nazkatzen	Maialen Lujanbio Andoni Egaña	Andonik bere baserrian hotela jarri du. Auzoko bileran eskean hasi zaie Maialen eta gainerako baserritarrei: oilarra ixiltzeko, ximaurrik ez botatzeko...
Eguna libre, egitekoak asko eta bi ahots matraka ematen	Maialen Lujanbio Amets Arzallus Andoni Egaña	Eguna libre du Ametsek, aspaldiko partez. Egin beharren zerrenda du aurrean, eta bi ahots entzuten ditu: Andoni zerrendako gauzei ekiteko dioena eta Maialen beste aldera begiratzeko dioena.
Haize erroten eztabaida, "bi bandoen herrian"	Andoni Egaña Aitor Bizkarra	"Energia(k) ezbaian" saio tematikoko bertsoaldia.
Europako mapa	Andoni Egaña	Bertsolariek kubatarrengandik ikasi zuten Seguidilla. Andonik Europako herrialdeetan barna eramango gaitu, Seguidillaren erritmora. *Haurrei zuzendua.
Maialen klasekideei papertxoak pasatzen	Maialen Lujanbio Amets Arzallus Alaia Martin Andoni Egaña Urko Arregi	Maialen aspertuta dago klasean eta ikaskideei papertxo bana pasa die. Ea mezua irakurrita zer erantzuten duen bakoitzak.
Halloween gauez haurra eta sermoia ematen hasi den aitona	Maialen Lujanbio Andoni Egaña	"Halloween" ospatzen ari da Maialen, mozorrotuta, goxoki eske. Andoni aitonaren atea jo du eta diskurtsoa ematen hasi zaio, Gau Beltzaren euskal tradizioaz.
Habaneran gai bati buruzko hitzak esan eta memorizatzen	Maialen Lujanbio Uxue Alberdi Unai Iturriaga Beñat Gaztelumendi Onintza Enbeita Andoni Egaña	Hiruko taldetan lehiatuko dira. Bi lagun puntuka ariko dira Habaneran, gai bati buruzko ahalik eta hitz gehien esaten. Hirugarren kideak bertsoa ekarri beharko du gero.
Bertso Jazz - Volando voy	Xabi Paya Maialen Lujanbio Amets Arzallus Andoni Egaña
Maialen abokatua, atzeko hiruren delituez	Nerea Ibarzabal Maialen Lujanbio Andoni Egaña Haritz Mujika
Hitza emanda: burua	Andoni Egaña
Batetikan korrozka	Anjel Mari Peñagarikano Andoni Egaña	1986ko Txapelketako bertsoaldi ezaguna, Negu Gorriak taldeak "Bertso Hop" bihurtu zuena.