Maddi Ane Txoperena
| Izena | Txoperena, Maddi Ane |
|---|
| Abizena(k) | Txoperena |
|---|
| Izen osoa | Txoperena Iribarren, Maddi Ane |
|---|
| Beste izenak | Txoperena, Mayi Ane; TXOPERENA-MADDIANE; TXOPERENA-MADDI ANE; Txoperena, Maddi |
|---|
| Jaiotza | Hendaia < Lapurdi Itsasegia < Lapurdi < Euskal Herria < Europa (1994) |
|---|
Biografia
Hendaian (Lapurdi) jaio zen 1994ko azaroaren 23an. Lesakan (Nafarroa) bizi da. Gizarte Antropologiako ikasketak eginak ditu EHU Euskal Herriko Unibertsitatean. Ia hamar urtez BERRIA egunkarian jardun ondoren, kazetari, zutabegile eta artxibozain lanetan, bertsolaritza eta idazle langintzan dihardu ostatu-zerbitzari lanbidearekin uztartuz.
Zortzi urte ingururekin hasi zen Hendaiako bertso eskolan, bere ahizpa Kristine Txoperenaren urratsei segika. Euskal Herriko eskolarteko txapela jantzi zuen 2011n, eta hainbat gazte sariketatan eta 2012ko Xilaba Xiberoa Lapurdi eta Baxenabarreko Bertsolari Txapelketan hartu zuen parte gero. Hainbat urtez bertsolaritzatik urrunduta egon ondotik 2018an itzuli zen, Bardoak Nafarroako taldekako bertso txapelketan. 2019an taldekako Xilabako txapela jantzi zuen anaia Josu Txoperena eta Miren Artetxerekin batera. 2020an finalista izan zen banakako Xilaban. 2026an Xilabako txapelduna izan zen, txapel hori jazten lehen emakumea.
