Hendaian (Lapurdi) jaio zen 1994ko azaroaren 23an. Lesakan (Nafarroa Garaia) bizi da. Gizarte Antropologian lizentziatua da Euskal Herriko Unibertsitatean (EHU). Ia hamar urtez BERRIA egunkarian jardun ondoren, kazetari, zutabegile eta artxibozain lanetan, bertsolaritza eta idazle langintzan dihardu ostatu-zerbitzari lanbidearekin uztartuz. Zortzi urte ingururekin hasi zen Hendaiako bertso eskolan, bere ahizpa Kristine Txoperenaren urratsei segika. Euskal Herriko eskolarteko txapela jantzi zuen 2011n, eta hainbat gazte sariketatan eta 2012ko Xilaba Xiberoa Lapurdi eta Baxenabarreko Bertsolari Txapelketan hartu zuen parte gero. Hainbat urtez bertsolaritzatik urrunduta egon ondotik 2018an itzuli da, Bardoak Nafarroako taldekako bertso txapelketan. 2019an taldekako Xilabako txapela jantzi du anaia Josu ...
Ikusi gehiago
Hendaian (Lapurdi) jaio zen 1994ko azaroaren 23an. Lesakan (Nafarroa Garaia) bizi da. Gizarte Antropologian lizentziatua da Euskal Herriko Unibertsitatean (EHU). Ia hamar urtez BERRIA egunkarian jardun ondoren, kazetari, zutabegile eta artxibozain lanetan, bertsolaritza eta idazle langintzan dihardu ostatu-zerbitzari lanbidearekin uztartuz.
Zortzi urte ingururekin hasi zen Hendaiako bertso eskolan, bere ahizpa Kristine Txoperenaren urratsei segika. Euskal Herriko eskolarteko txapela jantzi zuen 2011n, eta hainbat gazte sariketatan eta 2012ko Xilaba Xiberoa Lapurdi eta Baxenabarreko Bertsolari Txapelketan hartu zuen parte gero. Hainbat urtez bertsolaritzatik urrunduta egon ondotik 2018an itzuli da, Bardoak Nafarroako taldekako bertso txapelketan. 2019an taldekako Xilabako txapela jantzi du anaia Josu Txoperena eta Miren Artetxerekin batera. 2020an finalista izan da banakako Xilaban, eta Txapelduna 2026an, Xilabako txapela jantzi duen lehen emakumea.
Bertsogintza ez ezik, bide emankorra ari da literaturgintzan. 2020an argitaratu zuen bere lehen liburua, "Ene baitan bizi da"; X. Gazteluma saria jaso zuen lan honengatik. Gero etorri dira XXIII. Igartza beka jaso duen "Ez erran inori" (2022) eta Zilarrezko Euskadi saria jaso duen "Zaldi bat" (2026) eleberriak.
Ikusi gutxiago
