Sebastian Lizaso
| Izena | Lizaso, Sebastian |
|---|
| Abizena(k) | Lizaso |
|---|
| Izen osoa | Lizaso Iraola, Sebastian |
|---|
| Beste izenak | Lizaso, Xebaxtian, Xebastian |
|---|
| Jaiotza | Azpeitia < Urola Kosta < Gipuzkoa < Euskal Herria < Europa (1958) |
|---|
Biografia
Azpeitian jaioa, 1958ko San Sebastian bezperan. 1982ko Txapelketa Nagusian finalista izan zen, 1986koan txapeldun, eta 1989 eta 1997koan txapeldun orde. Joxe Lizaso bertsolariaren semea, honek Landeta auzoan zuen tabernan jaso zuen bertso-giroa; bertsolari artean hezia da Sebastian. Gaztaroan ez zen, bere adinkideak bezala, gazteen txapelketatan ibili. Hala ere, 1982an finalista geratu zenerako, plazetan izena eta arrakasta hartuta zeukan, hogeita lau urte bakarrik zituela. Hurrengo txapelketan erabat berretsi zuen bere balioa eta joan den urte askoan bera da plazarik gehien egin duen bertsolarietako bat. Bertsolaritzako figura handienen artean dagoen honek, belaunaldi berrietara egokitzeko dohaia izan du.
