Euskal Herriko V. Jardunaldi Feministak izan dira Durangon, urriaren 31an. Euskal Herriko emakume, trans eta bolleren kopla *txapelketa jokatu da bertan.
2019-2020 ikasturtean Bertsozale Elkarteko 50 irakasle gelaz gela ari dira zaletasuna zabaltzen. Hitzetik Hortzera programa Abanto-Zierbenako ikasgela barruan izan da... Ikusi nahi?
2019-2020 ikasturteko datuak jasotzen ari da Bertsozale Elkartea, ikerketarako eta barne komunikaziorako. Eman ezazu zure taldeen berri, 3 minutuan galdetegi erraz hau betez!
Miren Artetxe eta Ane Labaka bertsolari eta ikertzaileen koordinaziopean, UEUk liburu berria kaleratu du. Iaz Iruñean egin zen "Bertsolaritza genero-ikuspegitik" udako ikastaroa du abiapuntu, eta gogoetarako eta eztabaidarako materiala biltzea da helburua.
Udazkeneko III. Zapi Janztea bertso saioa jokatu zuten Zaldibian urriaren 18an, Zubi-buru elkartea entzulez beteta zela. Maialen Lujanbiok, Odei Barrosok, Jone Uriak eta Andoni Egañak kantatu zuten, afal ondoren. Entzuleek Egaña izendatu zuten saioko onentzat, eta aurreko bi urteetako irabazle Lujanbiok lotu zion buruan zapia Egañari.
80 lagun ingururen aurrean jokatu da II. Bertsokabi-Eugenio Arraiza Sariketa, Iruñeko Herriko Tabernan. Oholtza gainean izan dira Aitor Irastortza eta Xabat Illarregi, Ekhiñe Zapiain eta Josu Sanjurjo eta Irati Majuelo eta Alazne Untxalo. Azken hauek atera dira txapeldun.
Urriaren 27an Gernika-Lumoko Lizeo antzokian izango da eta sarrerak agortuta daude. Xabi Payak aurkeztuta, bertsoak eta beste zenbait modalitate uztartuko dituzte saioan, gonbidatu bereziekin. Antolatzailea Lilibertso bertso-eskola da, hainbat eragilerekin elkarlanean.
Nafarroako bertsolari gazteei zuzendutako bikotekako sariketa hau iritsi da azken geltokira: urriaren 24ean Iruñean jokatuko da finala. Aitor Irastortza eta Xabat Illarregi, Ekhiñe Zapiain eta Josu Sanjurjo eta Irati Majuelo eta Alazne Untxalo bikoteak lehiatuko dira.