Lanak filtratu:
Denak (965) Bakarkakoa (177) Ofizioa (498) Taldean (25) Puntu erantzuna (158) Azken aurreko puntua (12) Azken puntua (43) Puntuka (21) Atzekoei kantari (16) Hitza emanda (14)
Gaztetan, bizitzaren luze-zabalak zer forma hartuko duen imajinatu ere ezin dugun garai horretan, burua arin eta axolagabe, nork ez du egin, esan ezazue zintzo, heriorekin dantzan? Andoni, herio. Miren, gaztea. Dantzan ari zarete.
Gai jartzailea: Ainhoa Aranburu
Bertsolariak:
Miren Amuriza,
Andoni Egaña
Saioa: 2021-06-19 Donostia Berezia
Anaiak zarete. Gazte ginenak heldu egin gara eta helduak zahartu. Eta zaharrek laguntza beharko dute. Gaur ez bada, laister. Gure laguntza. Zahartzaroak horixe dakar, ezta? Ondorengoen beharra. Bada, zintzo hitz eginda, aitortu dezagun: Ez da gauza bera aurretik aita edo aurretik ama hiltzea. Ez, ez da gauza bera. Bi anaia hauentzat, behintzat ez.
Gai jartzailea: Ainhoa Aranburu
Bertsolariak:
Julio Soto,
Andoni Egaña
Saioa: 2021-06-19 Donostia Berezia
Hitzak aukeratu eta nahastu, poetak bizitzari buruz pentsatzen du. Azkenaldi luzean, ordea, hiltzearen trantzeaz ari da hitzak aukeratu eta nahasten. Izan ere, orain gutxi iragarri diote, aste batzuk gora aste batzuk behera bere azken bidaiarako data.
Poeta hizlari ona da, entzule hobea, eta herrian denek dakite hizketarako den edozeinen esperoan egoten dela. Osasunak eta udako eguraldiak tregua emanez gero, arratsaldeko seietatik aurrera, etxe zaharreko balkoi handian, manta altzoan, egunetik egunera itzaliago, baina oraindik tertuliarako gogoz. Poeta baino 40 urte gazteago zara, Maialen, eta balkoian bere parean dagoen aulki hutsean eseri zarenean, hitz hauek esan dizkizu, erdi ahopeka, bihurri-bihurri, sekretu txiki bat balitz bezala: “Ez nau izutzen negu hurbilak uda betezko beroan”. Eta zuk erantzun, jostari: “Dakizulako irauten duela orainak ere geroan”.
Gai jartzailea: Ainhoa Aranburu
Bertsolariak:
Maialen Lujanbio,
Andoni Egaña
Saioa: 2021-06-19 Donostia Berezia
Elkarrekin bizi zareten bikotea zarete. Amaia, hilabeteak dira Onintza katu bat adoptatzeko erran eta erran ibili zaizula. Astebete da katua etxeratu zenutenetik eta geroztik ikusezin bihurtu zara beretzako.
Gai jartzailea: Ainhoa Larretxea
Bertsolariak:
Amaia Agirre,
Onintza Enbeita
Saioa: 2021-05-08 Lesaka Sariketa
Online ezagutu duzue elkar. Goiz eta gau aritu zarete elkarrekin hitz egiten, eta gustura, baina ez duzue elkar ezagutzen, ez zarete egon aurrez aurre, bakoitzaren argazkirik ere ez duzue. Maddi Ane egunak daramatzazu pentsatzen Maialeni deituko ote diozun. Ez dirudi Maialen horretara ausartzen denik, baina hala ere deitu egin diozu. Dei hori entzungo dugu. [Elkarri bizkarra emanez kantatzeko eskatu zien gai-emaileak].
Gai jartzailea: Maite Berriozabal
Bertsolariak:
Maialen Lujanbio,
Maddi Ane Txoperena
Saioa: 2021-05-06 Donostia Berezia
Umetoki berean zaudeten anai-arreba bikiak zarete. Geroz eta handiagoak zarete, geroz eta leku gutxiago duzue lasai egoteko eta elkar ukitzen hasi zarete.
Gai jartzailea: Maialen Belarra
Bertsolariak:
Sustrai Colina,
Irati Majuelo
Saioa: 2021-04-30 Irurtzun Berezia
Etxe eta jabe berdina duen zapata pare bi zarete. Zu, Maialen, orain dela 10 urtetatik bizi zara etxe horretan. Baina balkoian lehortze prozesuan zaudela, hortxe agertu da Unai, zapata pare berria.
Gai jartzailea: Igor Galarza
Bertsolariak:
Maialen Lujanbio,
Unai Iturriaga
Saioa: 2021-04-29 Abadiño Jaialdia
Gaztetan bikotea zirenean, zahartzaroa urrun ikusten zuten. Baina zahartu dira eta supermerkatuan topo egin dute. Elkarren karroak analizatzen ari dira.
Gai jartzailea: Ainhoa Urien
Bertsolariak:
Jone Uria Albizuri,
Unai Iturriaga
Saioa: 2021-04-24 Zaldibar Jaialdia
Kokotz batean zaudeten bi ile zarete. Zuen kokotzaren jabea zuei begira-begira dago, ispilu aurrean.
Gai jartzailea: Ainhoa Urien
Bertsolariak:
Alazne Untxalo,
Oihane Perea
Saioa: 2021-04-17 Aramaio Sariketa
Bi lagun, gaur ere sagardotegitik datozenak; dena esan behar bada asko xamar edanda. San Martingo plazara iristean argi urdinak, triangulo batzuk… eta “Alto!” Ertzaintzaren alkoholemia kontrola tokatu zaie. “Nondik zatozte? A ze itxura duzuen! Zer da usain hori?” hasi zaie ertzaina. Aterabide bakarra dute: ertzaina konbentzitzea. Baina bakarka hitz egiten nahiko konplikazio dute eta elkarri lagundu beharko diote, batak besteari bertsorako oinak emanez.
Gai jartzailea: Aitzol Barandiaran
Bertsolariak:
Iker Zubeldia,
Eneko Araiztegi "Korta"
Saioa: 2021-03-27 Ataun Jaialdia
Andoni, Unai, zuen erretzaile izateari umoretik kantatu izan zaio ia beti esango nuke. Baina izango zenituzten zuen haserrealdiak legeen ondorioz, edo erretzeko premia jasan ezinak, ezta?
Gai jartzailea: Amaia Agirre
Bertsolariak:
Unai Iturriaga,
Andoni Egaña
Saioa: 2021-02-06 Pasaia Jaialdia
Ametsek ez du bikoterik eta txakur bat erosi du, Aitor Bizkarra. Ametsi zaila egiten zaio txakurra gobernatzea; beste jende guztiarekin maitekiro portatzen da, ordea.
Gai jartzailea: Unai Iturriaga
Bertsolariak:
Amets Arzallus,
Aitor Bizkarra
Saioa: 2020-12-30 Durango Jaialdia
Beñat eta Aitor gazte-gaztetako lagun minak zarete eta mugimendu askotan elkarrekin militante ibiliak. AHTren aurka, gaztetxeko lanetan, errauskailuaren aurka... Duela urte batzuk banandu zineten eta ez duzue elkarren berririk izan. Beñat banatzailea da, Amazonekoa. Gaur joan zara zerbait eramatera bata besteari atxikitako etxe horietako handi eta eder batera. Tinbrea jo eta Aitor atera da.
Gai jartzailea: Unai Aranzabal
Bertsolariak:
Aitor Sarriegi,
Beñat Gaztelumendi
Saioa: 2020-11-07 Bergara Jaialdia
Inbidia sanoa diozu elkarri. Baina zertan?
Gai jartzailea: Idoia Anzorandia
Bertsolariak:
Nerea Ibarzabal,
Etxahun Lekue
Saioa: 2020-10-24 Mungia Berezia
Hiru hitzetan hauxe duzue gaia: ahoa, begiak eta belarriak
Gai jartzailea: Aizpea Garmendia
Bertsolariak:
Oihana Iguaran,
Maialen Lujanbio
Saioa: 2020-09-25 Lazkao Berezia
Maialen, eskulturagilea haiz. Eskultura berezi batzuk egin ditun mendian, natura erdian. Xabat abeltzainaren abereak ibiltzen direneko inguruetan jarri ditun eskulturak. Kontua dun, Xabaten abereek hazka egiteko erabili dituztela hire eskulturak eta bat baino gehiago erorita eta apurtuta agertu direla.
Gai jartzailea: Imanol Artola "Felix"
Bertsolariak:
Maialen Lujanbio,
Xabat Illarregi
Saioa: 2020-09-19 Amezketa Jaialdia
Sei urteko bi haur zarete. Gaur hasi duzue ikasturtea. Zuen musukoarekin, distantziak gordez, eskuak garbituta... Klasea eman duzue eta orain eskolako patioan zaudete bertan bereizteko dauden marrei begira.
Gai jartzailea: Maialen Belarra
Bertsolariak:
Miren Amuriza,
Sarai Robles
Saioa: 2020-09-04 Berriozar Jaialdia
Xabi aita eta Beñat semea. Pandemia aro honetan aita egoitzan dago eta Beñat bisitan joaten zaio. Sekula ez dio aitak maitasun adierazpenik egin. Orain kristal atzetik egiten dio bisita eta gaur desberdina izanda. Aitak esan dio. “Ez dut bakarrik hil nahi; nire azken egunak zurekin konpartitu nahi ditut”.
Gai jartzailea: Aintzane Irazusta
Bertsolariak:
Xabi Igoa,
Beñat Garaio
Saioa: 2020-08-28 Gasteiz Jaialdia Zabalgana
Bikotea zarete. Zuen 18 urteko alabak aspaldi duen konplexu bat gainditzeko asmoz, sudurra konpontzeko operazio estetiko bat egingo duela esan dizue. Xabatek babesa eman nahi dio eta Jon horren aurka dago.
Gai jartzailea: Imanol Artola "Felix"
Bertsolariak:
Jon Gurrutxaga Urbieta,
Xabat Illarregi
Saioa: 2020-07-17 Azpeitia Sariketa
Mendira elkarrekin joan zareten bi lagun. Andoni askotan joaten da mendira eta Miren gutxitan. Mirenek denbora hartzen du bazterrak ikusi, argazkiak atera... Andoni desesperatzen hasi da.
Gai jartzailea: Unai Ormaetxea
Bertsolariak:
Miren Amuriza,
Andoni Egaña
Saioa: 2020-06-13 Andoain Jaialdia
