Karta jokoa. Animalia bakoitzari kopla bat botako diogu. Lehenik, puntu erdia osatzen ariko gara; ondoren, oina emanda puntu osoa sortzeko pausoa emango dugu.
Karta jokoa. Gaia eta jarrera emanda, kopletan. Gaia: magoak gara eta oholtzara irtetear gaude. Batzuk jarrera baikorraz ariko dira: konfidantzaz zaude. Beste batzuk, jarrera ezkorraz: urduri eta beldurrez zaude. Jarrera bakoitzetik 6na kopla osatzeko kartak izango ditugu.
Karta jokoa. Gaia eta jarrera emanda, kopletan. Gaia: gurasoekin asteburu pasa joan behar dugu. Batzuk jarrera baikorraz ariko dira: pozik zoaz. Beste batzuk, jarrera ezkorraz: ez duzu joan nahi. Jarrera bakoitzetik 6na kopla osatzeko kartak izango ditugu.
Karta jokoa. Egoera eta pertsonaia emanda, kopletan. Egoera: Inauterietan gabiltza denok, mozorrotuta. Pertsonaiak: Txanogorritxo, Superman, Harry Potter, erregea, Pirritx eta mozorrotu ez dena. Guztira 6 pertsonaia dira eta bakoitzak bina kopla botatzeko kartak daude.
Karta jokoa. Egoera eta pertsonaia emanda, kopletan. Egoera: ikasgelan gaude denok. Pertsonaiak: Irakaslea, berandu heldu dena, txizagura dena, etxeko lanik egin ez duena, lanerako gogoz dagoena eta dena dakiena. Guztira 6 pertsonaia dira eta bakoitzak bina kopla osatzeko kartak daude.
Gaizki zaintzen duten Xuriko zakurraren bizimodua. Zalduby bertsolariak sorta hau aurkeztu zuen 1867an Anton Abbadiak antolatutako koplarien gudura. Bideoan ikusgai Hitzetik Hortzera saiorako Ainhoa Sarasuak eta Eñaut Agirrek abestu eta Manex Pagolak musikatutako bertsioa.
Karta jokoa. Egoera eta pertsonaia emanda, kopletan. Egoera: autobusean goaz denok. Pertsonaiak: Txoferra, lanera doan medikua, kirola egitera doana, eskolara doan gaztea, txakurraz doana eta erosketak egitera doana.
Karta jokoa. Koplan, puntu erdiak osatzen. Puntuaren bigarren lerroa osatzen (6ak osatzen), oina ere emanda.
Eginda dago, berrikusi! Lehen puntu lerroa sortu behar dute. Ikasle batzuek zerk amorratzen dituen esan eta besteek egoera horretan zer egin.
Puntuak nahas-masean eman eta eurek lotu, koplak osatuz.
Autoa aparkatzeko ordaindu behar izaten zaion makinari. Iturria: Bidasoako Hitza.
Prentsan irakurritako udako albistea: familia bat hondartzan. Aitonak biloba txikiari 2-3 metroko unikornio puzgarria erosi dio; itsasoan sartzen du eta umea itsaso zabalean aurkitzen du barku batek. Nerea ume txikia, Maialen ama, puzgarria erosi dion aitona Xabat eta Sustrai unikornioa.
Hamar urte daramate elkarrekin irteten eta nor bere etxean bizi dira. Aspaldi da Nereak elkarrekin bizitzen jartzea nahi lukela baina Maialen beti entzun du nor bere kasa bizitzeko aukeraren alde hizketan. Gaur gaia atera dio.
Pello Reparazen Mitoaroa ikuskizunak, Illunbe hiru bider bete du eta San Mames birritan beteko du. Bertsolari bakoitzak San Mamesen ze paper bete nahi lukeen esango dio Gaztelumendiri, ikuskizuna diseinatzen ari denari, eta honek erantzun hartuko duen edo ez.
Zer geratzen da ama joan eta gero? "Agur Jesusen ama" doinuaz elizan, organoaz musikatuta.
2025ean Hondarribiako urrezko intsignia lortzeko finalista izan da Maria Jesus Berrotaran. 1979an herriko udaltzain izateko deialdia egin zuten; udalera izena ematera joan zen eta esan zioten emakumea zela eta izena ere ez ziotela hartuko...
Kuadrillako bi lagun, festetako goitibehera lasterketa hastear. Beñat ingeniaritza ikaslea da eta tramankulurik azkarrena diseinatu omen du...
Maialen betidanik bizi izan da baserrian, familia bertan hazi du. Alaia etorri da ondoko bizitzara eta goizero belazean ikusten du, ihintzetan, ortzimugara begira...
Baserriaz eta bertako animaliez arrastorik ez duten haurrak, txangoan joan dira Ametsen baserrira. Puntuan galdera botako diote eta Ametsek erantzun.
Jubilatuta zaudete eta aspaldi lanpetuta zabiltzate seme-alabek jarritako lanekin. Orain haiek entzuten dituzue zuen zahartzaroa planifikatzen.
Bikotea dira eta lehen aldiz elkarrekin atera dira rallyan: Maialen bolantean eta Amets kopiloto. Beldur dira, etxeko gorabeherekin eztabaidan ez ote diren hasiko...
Betaurrekoak puskatu zaizkizu eta konpontzera eraman dituzu optikara. Dendan esan dizute zaharra konpondu baino, hobe dela berriak erostea; zuk ezetz, konpontzea nahi duzula. Itxaroteko eskatu dizute; ordubete daramazu zain.
Unaik uste du gure belaunaldiak izan dituela aukera batzuk, gure gurasoen belaunaldiak izan ez zituenak: ikasketetan, bidaiatzeari dagokionez, zaintzan... Nereari ez zaio hala iruditzen.
Pixukideak dira Iturriaga eta Pagola. Unai hipokondriakoa da. Gaur Eli etxera sartu da eta pasillo erdian etzanda topatu du Unai, larri: "37,1!" esan dio.
Mikrofono batetik, gai marroi bat entzuten duenean barrutik zer pentsatzen duen esango du Maiak; beste mikrotik, gai horri abesten dion bertsoa. Gaia: Eufidrias Aurinie tximeleta galtzeko arriskuan den harren, gero eta babestuagoa da.
Ibarzabal bakarka, 8ko txikian bertsoak kateatzen. Gaia: Bizenta Mogelen "Ipuin onak", emakume batek euskaraz argitaratutako lehen liburua izan zen eta, seguruenik, barkamen eske hasten zen lehen liburua ere bai. Nerea, zuk zertan eskatu izan duzu barkamena, hasi aurretik?
Mundua bukatzera doa. Lau egun dituzue nahi edo ahal duzuena egiteko...
1950ean Lesakako bi neska gazte dira Maialen eta Alaia. Elkarrekin gehitxo egoten dira, gurasoen gusturako. Familia bakoitzak behartu egin du bere alaba mojen komentura sartzera. Barruan elkar ikusi dutenean, hau poza...
Udaltzaina da Maialen. Kexak jaso dituzte, hilerrian gazteak botiloia egiten ari direlako. Joan da hilerrira eta nor topatuko eta semea, Sustrai, reggaetoia dantzatzen.
Fernando Aire Xalbadorrek ehizean bere burua tiroz zauritu zuenekoa. Hitzetik Hortzera saioak musikatua.
Francoren garaian (1972an) Xabier Amurizak Zamorako apaiz kartzelan jarritako sorta. Hitzetik Hortzera saioak musikatua.
Txirristaka Bertsopaper Lehiaketa irabazi duen sorta. Elkarbizitzari jarria.
41. Basarri Bertsopaper Lehiaketako sorta saritua. Maddalen Arzallusek amona Klarari jarria, haren gustuko doinuan; bertso jarriak abesten zituen amonak.
Hitzetik Hortzera saioan Mirari Martiarenak eginiko elkarrizketa.
Hitzetik Hortzera saiorako jarritako sorta. Musikaria: Manex Pagola.
Kirol lehiari buruz bertso sorta hau jarri zuen Iñaki Artolak, bere bertso eskolako ikasleekin abesteko. Musikatuta ekarri dugu Bertsoeskola.eus atarira. Entzun eta... izango dugu gero zer hitz egina! Nola bizi dugu guk lehia?
Hitzetik Hortzera saiorako jarritako sorta. Musikaria: Manex Pagola.
1993ko Bertsolari Eguna, Donostiako Victoria Eugenia antzokian ospatu zen. Oholtzan belaunaldi ezberdinetako bertsolari gizonezko askok abestu zuten. Saio amaieran, 3 bertsolari emakume gazteri eman zitzaien txanda: Iratxe Ibarra bizkaitarra, Maialen Lujanbio gipuzkoarra eta Estitxu Arozena nafarra.
2025eko Bertso Egunean, Lesakan, Bortzirietako Bertso Eskolak aitortza egin zion Maialen Lujanbiori, Linddurrenborda sagardotegiko kupel bati bere izena jarriz. Ikusgai "Hor gu" taldeak Lujanbioren bertso zati ezagunekin eginiko popurria eta Lujanbioren eskertza katea.
Ikasle eta irakasleek 2024an egindako sorta musikatuak, audioan eta liburuxkan.
Hernanin oñatiarren aurkako pelota partidua jokatu ostean, Aitor Tatiegik sorta hau zabaldu zuen sare sozialetan. Bai Aingeru Otxotorenak erantzun ere, hernaniarren defentsan.
Bi adiskide jubilatu dira eta biloba txikiak dituzte. Andonik haurrak zaintzen pasatzen du eguna; Anerrek ez.
Anerrek eta Oihanak tren geltokian txartelaz arazoak dituzte. Laguntza eske jo dute segurtasun agenteengana, euskaraz. Erantzun diete, euskaraz egin ezean ezingo dietela lagundu.
Bertsolariek jarritako 10 punturi erantzunak, atseden tarterik gabe.
Urtero turistak erakartzeko kanpañak egiten dira. Hiru bertsolarioi eman diete lemak sortzeko enkargua. Lanean hasita, ados jarri dira: turistak uxatzeko lemak egingo dituzte...
Parrandan irten dira eta Amets goiz erretiratu da etxera, biharamunean mendi buelta egiteko. Patata tortilla ogitartekoa prestatu du Ametsek eta ohera sartu da. Maialenek eta Nereak, gaupasaz etorrita, dena jan dute.
Lazkao Txikik hala bota zion Artxanberri ehiztariari: "Zu beti izan zera gizon kriminala / animaliak hiltzen Jaunak egin ahala". Eta Artxanberrik erantzun: "Jainkoak ere badu nik haina delitu / nik bizirik utziak berak hiltzen ditu". Bertsoaldiari segida emango diote Mendiluze Lazkao Txikik eta Maialen Artxanberrik.
Onintza amari eskolatik deitu diote; bere alaba, Nerea, jolasorduan bakarrik egoten da. Gaur etxeratu denean, amak galdetu egin dio "zer moduz eguna?". Eta alabak "oso ondo" erantzun.
Andoni bertsokidea aurkitzeko aplikazioa da. Atzeko bakoitzak beteko du bere profila zein den appean, zer-nolako esperientziak bilatzen dituen, eta Andonik topatuko die neurriko kantulaguna.
Maialen amona, fededuna da. Lierni biloba, ez. Herriko festetan, urtero, mezara eramaten du amonak biloba. Elizan daude; Lierni ingurura begira eta barre txikitan dabil.
Doneztebeko udalean hiru langile jubilatzera doaz eta txupinazoa botako dute: Julio, udal administraria. Alaia, kiroldegiko arduraduna. Maialen, mantenimenduko langilea.
Pradalesek, inbestidura saioan, Lujanbioren hitzak baliatu zituen: "Herri hau sortzen jarrai dezagun euskaratik ta euskaraz". Gazteleraz jarraitu zuen.
Alaba bikotearekin bizitzera joan zen. Ama alargundu egin zen. Orain, alabak bikote harremana eten dela-eta, amaren etxera jo du, beretzat lekurik den galdezka.
Señora Sariketa hastear, atarian elkartu dira lau kideok: Zuazubiskar, antolaketan burubelarri dabilena. Lekuona, non dabilen ez dakien turista. Uria, batere bertsozalea ez den feminista. Aizpurua, txapelketak egonda Señora Sariketak zer zentzu duen ikusten ez duen bertsozalea.
Aurreko belaunaldiaren urratsa izan zen, ama izan ostean, etxetik kanpoko lanari eustea: lagun sarea, errealizazioa, independentzia ekonomikoa izateko. Alaia eta Oihana amak zarete; lanera itzuli ala ez, noiz, nola... Zalantzak dituzue.
Bi horma dira Maialen eta Andoni, beti elkarren parean baina elkar ukitzen ez dutenak. Andoni, frontisa; Maialen, erreboteko pareta.
Halaxe dio abestiak: "Horra zer den gure Donostia!". Zer da, Maialenentzat, Donostia gaur?
Elkarrekin urte asko daramaten bikotea dira Maialen eta Julio. Argiako artikulua ahots goran irakurtzen hasi da Julio: maite zaitut esatea kosta egiten zaigu. Elkarri begira gelditu dira.
Julio hipokondriakoa da. Bere lagunak lasaitzen saiatzen dira, nor bere eran: Andoni esamolde potoloz eta Amets bere adibideekin adarretatik joanez.
Fruta sekzioan elkartu dira. Bideo kamerek grabatu duten elkarrizketa lehorra azaldu du, lehenik, gai-jartzaileak. Orain, bakoitzak benetan sentitu/pentsatu dutena entzungo dugu...
Oihana etxez aldatu da. Etxe berriko ezkaratzean Ane topatu du, bere haurtzaroko lagun mina. Kafea hartzera joan dira.
Bertso saio espekulatiboan jarritako gaia: Orain osasun publikoak beregain hartzen ditu ebakuntza estetikoak: zoriontsu izateko. Gaur duzu laugarren ebakuntza estetikoa.
Iragarkia jaso zuen Sustraik: "Nahi duzu betiko bizi?". Programan parte hartzeko izenemate formularioa bete zuen. Gaur jaso du sakelakoan mezua: hautatua izan da. "Betiko bizi nahi baduzu, baieztatu". Bost minutu, atzera kontuan hasi dira.
Maitemindu egin dira Miren eta Unai. Mirenek 3 seme-alaba ditu, bi berak bakarrik hezitakoak eta bat bikote ohi batekin; Unaik bi seme-alaba ditu, bakoitza bikote ohi batekin. Gaur atera dute ordubete kafea hartzeko elkarrekin.
Harreman laburra izan zuten; Idoatek bikotea zuen eta Pagola txori askea zen. Gaur Idoate irakasleak gurasoekin bilera du eta, nor agertuko eta, Pagola gurasoa.
Magisteritza eginda, lehen aldiz sartu dira txikienen gelan hiru irakasleok. Idoate pozarren dago, bokazioa aurkitu baitu. Ibarzabal beldurtuta, arriskua besterik ez du ikusten. Pagola normal, beretzat lan soil bat da.
2017an Mendialdeko bertso eskolak sorta musikatuekin ateratako CDa hemen entzungai.
Puntuan galderak egin eta pistak emanez, pertsonaia izkutua asmatzen: Pinotxo, Barbie, Lamia.
Mendiluze hil da eta bere anima berpizteko gorputz berri baten bila dabil. Bertsolari bakoitzak bere karkasaren prestazioak azalduko dizkio eta Mendiluzek erantzun, hautatua denentz.
Unibertsitate garaian dagoen lagun taldea, kuriositatea asetzeko, lehen aldiz sartu da joko makinen tabernan. Lau ordu daramate kateatuta.
Hainbat artistek landu dute hutsunea. Maialen Lujanbiok noiz begiratzen dio hutsari? Non bilatzen du hutsa?
Bi lagunak haserratu egin ziren. Adiskidetzeko pausoa emanda, elkar besarkatu dute. "Iparragirre" doinuan, puntu motzetako parentesian, barruan oraindik gordetzen duten amorrazioa irtengo zaie.
Beti beltzez janzten dira Maialen eta Unai. Nola aukeratzen dituzte, egunerokoan, elementuentzat koloreak?
Koplatan dekadentziari. Gipuzkoako Txapelketako kanporaketa 2024.
Zirkuko pertsonaia bakoitzari kopla bat kantatuko diogu. Horretarako, lehen puntua eta oina emango zaigu. Gaian sartzeko, lehenik, bertsoaldiekin goza genezake!
Zatoz karpa barrura! Mendi Urruzuno argazkilariak eramango gaitu unez une, iruditan, eta Uxue Alberdik argazki bakoitzari kopla jarriko dio, gitarra lagun. Gero bertso-eskolan ariketa bera egiteko materiala, hemen.
Gustatzen zaizun pertsona hori, juxtu, zure lagun minarekin hasten denean. "Lurraren pean sar nindaiteke"...
